Aqmola oblysynda «Uly dalanyń uly esimderi» oblystyq baiqaýynyń ekinshi kezeńi qorytyndylandy, dep habarlaidy "Ult-aqparat" oblystyq bilim basqarmasynyń baspasóz qyzmetine silteme jasap.
Vedomstvonyń málimetinshe, Kókshetaý qalasyndaǵy daryndy balalarǵa arnalǵan №3 mamandandyrylǵan mektep-internatynda ótken baiqaýdyń maqsaty – bilim salasynda pedagogtardyń ǵylymi-zertteý jáne oqý-tanymdyq qyzmetin arttyrý.
Baiqaý «Aqmola oblysynyń tarihi eskertkishteri», «Ólketaný - ulttyq jańǵyrý», «Máńgilik el» jáne «Rýhani jańǵyrý» baǵdarlamalary jalpyulttyq qundylyqtar ideiasyn tárbie jumystaryna engizý (Ashyq aspan astyndaǵy murajai)», «Kókshe óńiriniń Uly esimderi» baǵyttary boiynsha ótti.
«Baiqaý qatysýshy pedagogtar ózderiniń ǵylymi – tanymdyq jobalaryn tanystyrdy. Onyń ishinde Býrabai, Shortandy, Esil, Aqkól siiaqty birqatar aýdandar jaqsy nátije kórsetti»,- Aqmola oblystyq bilim basqarmasynyń baspasóz qyzmetindegiler.
Úzdikteri Aqmola oblysynyń bilim basqarmasynyń diplom jáne aqshalai sertifikatymen marapattaldy. Barlyq qatysýshy oblystyq oqý-ádistemelik kabinetiń sertifikatyna ie boldy.
