Foto: Ana tili gazeti
Prezident Qasym-Jomart Toqaevtyń Abai Qunanbaiulynyń týǵanyna 180 jyl tolýyna orai ótetin saltanatty is-sharaǵa qatysýshylarǵa arnalǵan quttyqtady, dep habarlaidy Ult.kz.
Prezident Qasym-Jomart Toqaevtyń quttyqtaýy:
Qadirli qaýym!
Sizderdi Abai Qunanbaiulynyń týǵanyna 180 jyl tolýymen quttyqtaimyn!
Abai – tól mádenietimizdi damytýǵa ólsheýsiz úles qosqan álemdik deńgeidegi kemeńger tulǵa, halqymyzdyń sana-sezimin jańǵyrtqan uly aqyn.
Ol jańa ádebietimizdiń negizin qalap, dúnietanymymyzdyń kókjiegin keńeitti. Óskeleń urpaqty bilimpaz, eńbekqor, adal azamat bolýǵa shaqyryp, ulttyń jańa sapasyn qalyptastyratyn qasietterdi keńinen dáriptedi. Otanǵa degen súiispenshiliktiń jáne el múddesi úshin qaltqysyz qyzmet etýdiń ozyq úlgisin kórsetti.
Hákim Abaidyń mol murasy – qazaq halqynyń ǵana emes, barsha adamzattyń ónege alatyn asyl qazynasy. Onyń oi-tolǵamdary men ósietteriniń ózektiligi eshqashan joǵalmaidy. Sondyqtan Abaidy taný jáne tanytý, shyǵarmashylyǵyn tereń zerdeleý óte mańyzdy. Búgingi saltanatty is-sharanyń túpki máni de – osynda.
Bul óńir – Abaimen qatar Shákárim Qudaiberdiuly, Muhtar Áýezov syndy ulttyń uly perzentterin dúniege ákelgen kieli ólke. Memleket osy aimaqty ulttyq qundylyqtar mekeni retinde órkendetýge basa mán beredi.
Uly oishyldyń ómirsheń óleńderi men qasterli qara sózderi áli talai urpaqqa rýhani azyq bolary anyq.
Uly Abaidyń amanatyna adal bolaiyq
