Djibýtiden Iemenge bet alǵan, bortynda 305 adam bolǵan qaiyq sýǵa batyp, keminde 139 migrant qaza tapty. Taǵy 84 adam iz-túzsiz joǵalǵan, dep habarlaidy ult.kz.
Halyqaralyq kóshi-qon uiymynyń (IOM) málimetinshe, qaiǵyly oqiǵa 8 qazannan 9 qazanǵa qaraǵan túni Djibýti jaǵalaýyndaǵy Obok qalasynyń soltústiginde, Gehere aýdanynda bolǵan.
Halyqaralyq kóshi-qon uiymy bul apatty Shyǵys kóshi-qon baǵyty boiynsha bolǵan eń iri qaiǵyly oqiǵalardyń biri dep atady.
Uiymnyń bas direktory Emi Poýp migranttardyń qaýipti saparǵa shyǵýyna qaýipsiz balamalardyń jetispeýi sebep bolýy múmkin ekenin atap ótip, memleketterdi adam ómirin saqtap qalý úshin zańdy ári qaýipsiz kóshi-qon joldaryn damytýǵa shaqyrdy.
Qazir Djibýti biligi izdeý-qutqarý jumystaryn jalǵastyryp jatyr. Al Halyqaralyq kóshi-qon uiymy Oboktaǵy kómek kórsetý ortalyǵynda zardap shekkenderge meditsinalyq jáne psihologiialyq qoldaý kórsetip, tamaq, baspana jáne ózge de qajetti kómekter usynyp otyr.
