Ulttyq ulan basshylyǵy sarbaz Erbaian Muhtarǵa qatysty málimdeme jasady

Ulttyq ulan bas qolbasshysynyń tárbie jáne áleýmettik-quqyqtyq jumys jónindegi orynbasary Qairat Úmbetov áskerde alǵan jaraqatynan 6 ai komada jatqan sarbaz Erbaian Muhtarǵa qatysty málimdeme jasady. 

Qairat Úmbetovtiń aitýynsha, sarbazdyń qazirgi jaǵdaiy áskerde alǵan jaraqatyna bailanysty emes. 

"Erbaian Muhtarov Ulttyq ulanda qyzmet etý kezinde túngi ekide oianyp, qulap, jaraqat alǵan. Onyń qazirgi jaǵdaiy qulaýdyń saldary emes. Emdelý kezinde sarbaz juqpaly aýrýǵa shaldyqqan. Ókinishke qarai, emdelý kezinde ókpesi pnevmoniiamen, sondai-aq qosymsha iriń bólinýimen gaimoritpen aýyrǵan. Dárigerler ota jasaýdy uiǵarǵan, otadan keiin sarbaz osyndai kúige tústi", — dedi Qairat Úmbetov.

Aita keteiik, Erbaian Muhtar Ulttyq ulannyń Almaty qalasyndaǵy 5571 áskeri bóliminde áskeri boryshyn ótep júrgen. 2023 jyldyń jeltoqsanynda sarbaz mi jaraqatyn alyp, sodan keiin komaǵa túsken. Áskeriler týystaryna Erbaiannyń dárethanada qulap, basyn edenge soǵyp alǵanyn aitqan. Alaida sarbazdyń jaqyndary uldarynyń abaisyzda qulap qalǵanyna senbeidi. Ishki ister ministrligi tergeý barysyn óz baqylaýyna aldy. 

Eske salsaq, buǵan deiin qazaqstandyqtar 6 aidan astam komada jatqan sarbaz Erbaian Muhtarǵa 140 million teńge jinap bergen edi.