Bilim jáne ǵylym ministrliginiń Ulttyq testileý ortalyǵynyń direktory Didar Smaǵulov Facebook paraqshasynda qyzmetinen ketkenin málimdedi, dep habarlaidy "Ult aqparat".
"Dostar, men Bilim jáne ǵylym ministrliginiń Ulttyq testileý ortalyǵynyń direktory qyzmetinen óz erkimmen ketý týraly sheshim qabyldadym. 7 jyl boiy memlekettik qyzmette eńbek ettim. Endi ózimdi basqa salada synap kóretin kez keldi.
Dostar, maǵan únemi qoldaý kórsetkenderińizge alǵysym sheksiz. Osynyń arqasynda kóp jumys atqaryldy. Sondai-aq, elimizdiń Bilim jáne ǵylym ministrine de alǵys aitqym keledi. Maǵan qatysty aitylǵan qanshama synǵa qaramastan bul qyzmette maǵan senim arta bildi. Halyqqa adal qyzmet etý úshin jáne sizderdiń senimderińizdi aqtaý úshin men ózimniń bar jiǵan bilimim men qabiletimdi osy ortalyqtyń órkendeýine baǵyttaýǵa tyrystym.
Osy salada usynylyp jatqan basqa da basshylyq laýazymdar úshin rizashylyǵymdy bildirem. Alaida maǵan qyzmet salasyn sál ózgertý qajet dep sheshtim. UBT-men qosh aityspaimyz. Aldaǵy ýaqytta qyzmetimdi ministrdiń sybailas jemqorlyqqa qarsy is-qimyl máseleleri jónindegi shtattan tys keńesshisi retinde jalǵastyrmaqpyn (qandai da bir tólemsiz)", - deidi Didar Smaǵulov.
Aita keteiik, Didar Smaǵulov Ulttyq testileý ortalyǵynyń basshysy qyzmetine 2019 jyldyń maýsym aiynda taǵaiyndalǵan bolatyn. Bul qyzmetke deiin ol Sybailas jemqorlyqqa qarsy is-qimyl agenttiginde jumys istegen edi.
