2020 jyldyń aqpan-jeltoqsan ailary aralyǵynda QR Densaýlyq saqtaý ministrligine qarasty Ulttyq saraptama ortalyǵynyń zerthanalarynda koronavirýs infektsiiasyna 1,9 mln zertteý júrgizildi. Onyń ishinde 66 myńnan astam synama oń nátijemen shyqqan, dep habarlaidy "Ult aqparat".
Ortalyqtyń baspasóz qyzmetinen málim etkendei, USO zerthanalarynda ortasha eseppen táýligine 5 myńnan astam zertteý júrgizildi. Testileý 16 filialda ótkizildi. Aptasyna jeti kún, táýligine 24 saǵat respýblika boiynsha 485 maman COVID-19 taldaýlaryn zertteýge jumyldyryldy.
Ótken jylǵy pandemiia kezinde dezinfektsiialyq qyzmetter de úlken jumys atqardy. Olar demalyssyz, táýlik boiy tótenshe jaǵdai týyndaǵan infektsiialyq oshaqtarda zararsyzdandyrý jumystaryn júrgizdi.
«Dezinfektsiialaý turǵyn jáne keńse úi-jailarynda, ushaqtardyń salondarynda, karantindik jáne provizorlyq ortalyqtarǵa aviajolaýshylardy tasymaldaityn avtobýstarda, sondai-aq jolaýshylardyń bagajynda júrgizildi.
Sondai-aq, saýyqqan naýqastar men olarmen bailanysta bolǵan tulǵalar shyǵarylǵannan keiin statsionarlar men ortalyqtar dezinfektsiialandy.
Ótken jyldyń 10 aiynda dezinfektsiialyq bólimderdiń 592 mamany 40 myńǵa jýyq oshaqty óńdedi.
Búgingi tańda USO mamandary COVID – 19-ǵa zertteýler júrgizýdi jáne oshaqtardy dezinfetsiialaýdy jalǵastyrýda», - dedi QR DSM SEBK «Ulttyq saraptama ortalyǵynyń» baspasóz qyzmetinen.
