2021 jylǵy Ulttyq sanaǵynyń aldynda maýsym aiynda Qazaqstannyń barlyq eldi mekenderinde daiyndyq kezeńi júrgiziledi. Bul týralyUlttyq statistika biýrosy habarlady.
1-30 maýsym aralyǵynda interviýerler (tirkeýshiler) árbir eldi meken boiynsha turǵyn jailar, turǵyn úiler (turǵyn jai ǵimarattary) jáne turǵyn úi retinde paidalanylatyn turǵyn emes oryndardyń barlyǵyn aralap, olardyń tizimin jáne turaqty turatyn turǵyndardyń sanyn naqtylaityn bolady.
Mundai tizimder qalalyq jáne aýyldyq eldi mekenderdiń aýmaqtaryn nusqaýshylyq jáne esep ýchaskelerine durys bólý jáne turǵyn sanyn ekinshi kezeń sanaǵyna, iaǵni aýdandastyrý úshin sanaq qyzmetkerine júkteme kólemine sáikes birkelki bólý úshin qajet. Sondai- aq, bul sanaq kezinde turǵyndar esebin tolyqtai qamtýǵa múmkindik beredi.
Qazirgi ýaqytta ýaqytsha sanaq qyzmetkerlerin tartý jáne oqytý jónindegi jumystar aiaqtalýda, munda 1 kezeń interviýerleri men 1 kezeń nusqaýshy-interviýerleri tartylatyn bolady. 1-kezeń úshin barlyǵy 5 405 interviýer jáne 773 nusqaýshy- baqylaýshy alynady.
Nysandardy aralaý kezinde interviýerler ózderin tanystyryp, tegin aitýlary jáne sanaq interviýeriniń kýáligin kórsetýi kerek; óziniń kelýiniń maqsatyn naqty jáne qysqasha túsindirip, sol úi-jaida turaqty (ádette) turatyndardyń meken-jailaryn jáne sanyn suraýy qajet.
2021 jyldyń ulttyq sanaǵynyń negizgi kezeńi 1 qyrkúiekten 30 qazanǵa deiingi aralyqta ótedi. Oǵan onlain rejiminde de, sondai-aq dástúrli tásilmen de qatysýǵa bolady.
