Foto: Ult.kz
Almatyda Qazaq rýhaniiatynyń shejiresin obektiv arqyly órnektegen belgili fotograf Azamat Qusaiynovtyń «Ulttyq rýh jáne bir sát» atty jeke shyǵarmashylyq kórmesi ótti, dep habarlaidy Ult.kz.
Bul kórme – bir adamnyń ǵana emes,
tutas bir dáýirdiń, qazaq qoǵamynyń tarihi sátterin, mádeni bolmysyn, til men
ult rýhynyń tynysyn beineleitin kórkem hronika.
Foto: Ult.kz
Kórmege tarihi oqiǵalar, ult tulǵalarynyń beinesi, rýhaniiat, ádebiet, óner taqyryptaryna arnalǵan fotojinaqtar, aýyl ómiri men ulttyq dástúrlerdiń fotoshejiresi qoiyldy.
Foto: Azamat Qusaiynovtyń jeke arhivinen
«Kórmege qoiylǵan árbir sýret – meniń ómirimniń, jumysymnyń bir bólshegi. Árbir fotosýret men úshin bir-bir áńgime, ol ómirdiń túrli sátterin, adamdardyń sezimderi men rýhyn capture etý arqyly qazaq halqynyń bai mádenieti men tarihyn kórermenge jetkizýge tyrysamyn. Búgingi kórmemde men ártúrli janrdaǵy jumystarymdy usynyp otyrmyn. Bul sýretter arqyly ulttyń rýhani damýy, táýelsizdiktiń alǵashqy jyldary, qazaq tiliniń órkendeýi, halyqtyń árqily kóńil-kúii men kúndelikti ómiri jaily aitamyn. Al fotosýretterdegi árbir sát óz tarihymen, emotsiiasymen erekshe. Ómirdiń mánin dál sol sátterde kóre alasyń jáne men óz jumysymda dál osy sátterdi aiqyndap, kórermenge usynýǵa tyrystym», – dedi Azamat Qusaiynov.
Fotograf Azamsat Qusaiynovtyń kórmege qoiylǵan sýretteriniń jinaǵyn usynamyz.
Azamat Qusaiynov – on jyldan astam ýaqyt boiy ulttyq baspasózde eńbek etip kele jatqan fototilshi. Onyń obektivinen túsken sýretter – talai kórmeler men basylym betteriniń kórkine ainalǵan, arhivtik qundylyǵy zor týyndylar. Kórmege kelýshiler fotosýret arqyly eldik bolmysty jańa qyrynan tanyp, fotojýrnalistikanyń qudiretin sezine alady.
Aqbota Musabekqyzy
