Foto: QR MAM
Qazaqstan Respýblikasynyń Ulttyq mýzeiinde qazaqtyń uly ǵalymy, aǵartýshysy Shoqan Ýálihanovtyń 190 jyldyǵyna orai «Shoqan Ýálihanov – qazaqtyń uly ǵalymy» atty aýqymdy kórmeniń ashylý saltanaty ótti, dep habarlaidy Ult.kz.
Is-sharanyń maqsaty – Shoqan Ýálihanovtyń ómiri men ǵylymi qyzmetin jas urpaqqa nasihattaý. Tyń derekter men mýzei jádigerleri arqyly Ortalyq Aziia men Qazaqstan halyqtarynyń tarihy men mádenietin zertteýge qosqan eleýli úlesin tanystyrý.
Kórme negizgi 4 bólimnen turady:
- - Shoqannyń ómiri men qyzmeti,
- - Qashǵar sapary,
- - ǵylymi murasy,
- - Shoqannyń ónerdegi beinesi keńinen qamtylǵan.
Ekspozitsiiada ǵalymnyń qoljazbalary, hattary, ǵylymi eńbekteri jáne tapansha, sandyq, belbeý, otbasylyq buiymdar sekildi jeke zattary qoiylǵan.
Sonymen qatar Qashǵar saparyna arnalǵan kórneki materialdar, muraǵattar men mýzeilerden alynǵan fotoqujattar da bar.
Is-shara aiasynda ǵalymnyń ǵylymi murasy men qoǵamdaǵy rólin talqylaityn dóńgelek ústel de uiymdastyryldy. Oǵan otandyq tarihshylar, etnograftar, ónertanýshylar, mýzei qyzmetkerleri qatysty.
Kórme 12 shildege deiin jalǵasady.
