Foto: QR MAM
Qazaqstan Respýblikasynyń Mádeniet jáne aqparat ministri Aida Balaeva Ulttyq mýzeide ótip jatqan Erbolat Tólepbaidyń mereitoilyq kórmesin tamashalady, dep habarlaidy Ult.kz.
Kórme Qazaqstannyń eńbek sińirgen qairatkeri, sýretshi Erbolat Tólepbaidyń 70 jyldyq mereitoiy men 50 jyldyq shyǵarmashylyǵyna arnaldy.
«Ónerim – izgilik mekeni» atty kórmede sýretshiniń shyǵarmashylyq joly men onyń túrli kezeńderin qamtityn, rýhani jáne mádeni izdenisterin beineleitin týyndylar qoiylǵan.
Erbolat Tólepbai álemniń ár elinde 38 jeke kórme ótkizip, halyqaralyq mádeni ortada zor bedelge ie. 2024 jyly onyń eńbekteri qazirgi zamanǵy eń iri kórme – Venetsiia biennalesindegi Qazaqstan pavilonynda usynyldy.
Sýretshiniń tanymal týyndylarynyń qatarynda «Máńgilik el» triptihy («Tandyr», «Anarhai», «Jas dala»), sondai-aq Qazaq handyǵynyń 550 jyldyǵyna arnalǵan tarihi triptih bar.
