25 qazan kúni talantty sýretshi, Qazaqstan Respýblikasynyń Eńbek sińirgen qairatkeri Alpysbai Qazyǵulovtyń Qazaqstan Respýblikasy Mádeniet jáne sport ministrligi men Qazaqstan Respýblikasy Ulttyq mýzeii birlesip uiymdastyrǵan «Kóńil kóktemi» atty kórmesi saltanatty túrde ashyldy.
Avtordyń balalyq shaǵynan qalyptasqan tanym-túsinigi men qorshaǵan orta týraly qiial kókjiegi sýretshiniń «Meniń balalyq shaǵymnyń aýyly», «Beldesý», «Kerýen», «Oiyn» syndy týyndylarynan kórinis tapqan.
Kórmeniń ashylý saltanatynda sóz alǵan QR Mádeniet jáne sport ministrliginiń Mýzeiler men kitaphanalar basqarmasynyń basshysy Gúlzeinep Pazylova: «Alpysbai Qazyǵulov – qazaq kórkemóneriniń has sheberi. Sýretshiniń shyǵarmalary keńinen tanymal. Jeke kórmeleri Resei, Ulybritaniia, Japoniia, Túrkiia t.b. elderde ótkizilgen. Búgingi kórmeniń avtory álemdik ónerge qosqan súbeli úlesi úshin Eýropa óner odaǵynyń Masarik atyndaǵy syilyǵymen marapattalǵan. Ol tek Alpysbai aǵanyń shyǵarmashylyǵyna ǵana emes, búkil qazaq halqynyń mádenietine berilgen úlken marapat dep tanimyz», - dedi.
A. Qazyǵulovtyń týyndylarynda berilgen shynaiy ómir kórinisteri jai ǵana kóshirme emes, ol sheberdiń qylqalamyna ǵana tán ózindik jeńil mánermen berilgen shyǵarmalar bolmaq. Avtor týyndylarynan sýretshiniń jan tebirenisterin, kórkem álemin tamashalaýǵa bolady.
Qoǵam qairatkeri, kompozitor Tólegen Mumamedjanov: «Búgingi kórmede ádemilikpen, ásemdikpen qaýyshyp otyrmyz. Alpysbai Aral teńiziniń jaǵasynda týyp ósken. Búginge deiin 5000-nan astam sýret salǵan. Alpysbaidy Qazaqtyń Pikassosy desek, artyq bolmaidy. Kórme qutty bolsyn! Alpysbaiǵa shyǵarmashylyq shabyt tileimi!», - dep jyly lebizin bildirdi.
Alpysbai Qazyǵulov týyndylarynyń ózine tán daralyǵy bar. Kóp shyǵarmalar arasynan onyń eńbekterin ońai tanýǵa bolady. Ol sýretshilik qyrynan bólek, kóńil-kúidiń ásem kórinisterin ózindik sheberlikpen úilestiredi. Sondyqtan da bolar, avtor shyǵarmalarynyń basym bóligi qarabaiyr tirshilik kórinisterine emes, tuńǵiyq oidyń kórkem kelbetine arnalǵan.
Kórmege qylqalam sheberi A. Qazyǵulovtyń 100-den astam kórkem sýretteri usynylyp otyr.
Kórme 2018 jylǵy 12 jeltoqsanǵa deiin jalǵasady.
