Halyqaralyq mýzeiler kúnine orai jyl saiyn 18 mamyrda ótetin «Mýzeiler túni» aktsiiasy biyl karantinge bailanysty onlain formatta ótedi, dep habarlaidy "Ult aqparat" QR Ulttyq mýzeiine silteme jasap.
Onlain jiyndy 18 mamyrda saǵat 17:00-21:00 aralyǵynda ótkizý josparlanǵan.
«Mýzeiler túni» aktsiiasy QR Ulttyq mýzeiinde 5 jyl boiy uiymdastyrylyp keledi. 2015 jylǵy alǵashqy aktsiiaǵa 23 myń adam qatyssa, 2016 jylǵy 18 mamyrda - Ulttyq mýzeige 30 myńnan astam adam kelgen. 2017 jyly bul aktsiia 2 ret ótti. Onyń alǵashqysy «Naýryz» merekesine orai «Naýryz – jańǵyrý nyshany» degen taqyryppen uiymdastyrylyp, ekinshisi - Halyqaralyq mýzeiler kúnine arnaldy», - dep habarlady Ulttyq mýzeidiń baspasóz qyzmeti.
Biylǵy «Mýzei túni» sharasy «Bir birgemiz» taqyrybynda áleýmettik paraqshalar arqyly júrgiziledi.
«Aktsiia Ulttyq mýzei direktory Arystanbek Muhamediulynyń quttyqtaýymen bastalady. Baǵdarlama barysynda kórermender nazaryna mýzei zaldary boiynsha túsirilgen «Uly Dala jaýharlary» jáne «Ulttyq mýzei – ult ainasy» atty suhbattar men derekti filmder usynylady. Sonymen birge, QR Ulttyq mýzeii boiynsha virtýaldy ekskýrsiia uiymdastyrylyp, Qasietti Qazaqstan boiynsha beinerolikter kórsetiledi», - delingen habarlamada.
Aita keteiik, Halyqaralyq mýzei kúni merekesi 1977 jyly Halyqaralyq mýzeiler keńesiniń Bas konferentsiiasynda bekitilgen. Atalǵan dataǵa orai 1997 jyly alǵashqy «Mýzei túni» sharasy Berlin qalasynda ótti.
