Nur-Cultan qalasy boiynsha sybailas jemqorlyqqa qarsy qyzmet Mádeniet jáne sport ministrliginiń "Qazaqstan Respýblikasynyń Ulttyq mýzeii" RMQK laýazymdy tulǵalaryna qatysty tergeý júrgizip jatyr, dep habarlaidy "Ult aqparat" agenttiktiń baspasóz qyzmetine silteme jasap.
"Cybailas jemqorlyqqa qarsy qyzmet QR Mádeniet jáne sport ministrliginiń "Qazaqstan Respýblikasynyń Ulttyq mýzeii" RMQK laýazymdy tulǵalaryna qatysty "Altyn adamnyń álem mýzeilerine sherýi" halyqaralyq kórmesin ótkizý boiynsha Memlekettik satyp alý týraly shart aiasynda 146 million teńge somasynda biýdjet qarajatyn jymqyrý belgileri boiynsha sotaldy tergeý júrgizip jatyr", - delingen habarlamada.
Vedomstvo málimetinshe, sharttyń jalpy somasy - 1,2 milliard teńge.
"Tergeý sotynyń sanktsiiasymen qazirgi ýaqytta tintý, sondai-aq kýálardan jaýap alý jáne basqa da tergeý áreketteri júrgizilýde. Is boiynsha túpkilikti sheshim qylmystyq is júrgizý zańnamasynyń talaptaryn oryndaý nátijeleri boiynsha qabyldanatyn bolady" - deidi vedomstvonyń baspasóz qyzmeti.
