QR Mádeniet jáne sport ministri Dáýren Abaev mádeniet salasyndaǵy qyzmetkerlerdiń áleýmettik qamtylýyn jaqsartýǵa ýáde berdi, dep habarlaidy QazAqparat.
«Árine, saladaǵy eń ózekti máselelerdiń biri – mádeniet uiymdary qyzmetkerleriniń áleýmettik paketi. «Ulttyq» mártebesi bar mádeniet uiymdarynyń laýazymdyq jalaqylaryna 1,75 koeffitsienti túrinde qosymsha aqylar men ústemeaqylar ázirleý qajet», - dedi Dáýren Abaev vedomstvonyń keńeitilgen alqa otyrysynda.
Ministrdiń aitýynsha, shyǵarmashylyq joǵary oqý oryndarynyń professor-oqytýshylar quramy men kontsertmeisterleriniń jalaqy mólsherine de nazar aýdarý qajet.
«Bul máseleni men óz baqylaýyma alamyn. Osy kúnderi men kezdestirgen kóptegen oqytýshylar, tipti eń qiyn 90-shy jyldary da óz mamandyqtaryn tastamaǵan. Solardyń arqasynda mádeniet pen ónerde urpaqtar úzilisi bolǵan joq», - dep atap ótti vedomstvo basshysy.
