QR Memlekettik keńesshisi Erlan Qarin Ulttyq quryltai quramy qalai jasaqtalatynyn aitty, dep habarlaidy QazAqparat.
«Ulttyq quryltai – el Prezidenti janyndaǵy konsýltativtik-keńestik organ. Soǵan orai onyń quramyna qatysty usynysty Memleket basshysynyń ákimshiligi daiyndaidy. Jáne de Ulttyq quryltaidyń otyrystaryna tek Ulttyq quryltai músheleri ǵana qatysady. Ulttyq quryltai jumysy qoǵamdyq bastamalar negizinde júzege asyrylatynyn atap ótken jón. Sonymen qatar quryltai jumysyna qatysýshylardy aýystyryp otyrý printsipi qarastyrylǵan. Bul aldaǵy ýaqytta kezeń-kezeńimen ózge de qoǵam belsendilerin tartýǵa múmkindik beredi», - dep jazdy Memlekettik keńesshi Telegram paraqshasynda.
Sonymen qatar ol arnaýly onlain-platformanyń qurylǵanyn atap ótedi.
«Qazaqstan azamattary atalǵan platforma arqyly Ulttyq quryltai hatshylyǵyna usynys jibere alady. Osylaisha, Ulttyq quryltai jańarǵan Qazaqstan qurýǵa óz úlesin qosýǵa daiyn azamattardyń jalpyulttyq birigýiniń ózegine ainalady», - dedi Erlan Qarin.
