قر مەملەكەتتٸك كەڭەسشٸسٸ ەرلان قارين ۇلتتىق قۇرىلتاي قۇرامى قالاي جاساقتالاتىنىن ايتتى, دەپ حابارلايدى قازاقپارات.
«ۇلتتىق قۇرىلتاي – ەل پرەزيدەنتٸ جانىنداعى كونسۋلتاتيۆتٸك-كەڭەستٸك ورگان. سوعان وراي ونىڭ قۇرامىنا قاتىستى ۇسىنىستى مەملەكەت باسشىسىنىڭ ەكٸمشٸلٸگٸ دايىندايدى. جەنە دە ۇلتتىق قۇرىلتايدىڭ وتىرىستارىنا تەك ۇلتتىق قۇرىلتاي مٷشەلەرٸ عانا قاتىسادى. ۇلتتىق قۇرىلتاي جۇمىسى قوعامدىق باستامالار نەگٸزٸندە جٷزەگە اسىرىلاتىنىن اتاپ ٶتكەن جٶن. سونىمەن قاتار قۇرىلتاي جۇمىسىنا قاتىسۋشىلاردى اۋىستىرىپ وتىرۋ پرينتسيپٸ قاراستىرىلعان. بۇل الداعى ۋاقىتتا كەزەڭ-كەزەڭٸمەن ٶزگە دە قوعام بەلسەندٸلەرٸن تارتۋعا مٷمكٸندٸك بەرەدٸ», - دەپ جازدى مەملەكەتتٸك كەڭەسشٸ Telegram پاراقشاسىندا.
سونىمەن قاتار ول ارناۋلى ونلاين-پلاتفورمانىڭ قۇرىلعانىن اتاپ ٶتەدٸ.
«قازاقستان ازاماتتارى اتالعان پلاتفورما ارقىلى ۇلتتىق قۇرىلتاي حاتشىلىعىنا ۇسىنىس جٸبەرە الادى. وسىلايشا, ۇلتتىق قۇرىلتاي جاڭارعان قازاقستان قۇرۋعا ٶز ٷلەسٸن قوسۋعا دايىن ازاماتتاردىڭ جالپىۇلتتىق بٸرٸگۋٸنٸڭ ٶزەگٸنە اينالادى», - دەدٸ ەرلان قارين.
