Ulttyq quryltaidyń alǵashqy otyrysy 16 maýsymda ótedi. Bul jaiynda Memlekettik hatshy Erlan Qarin Telegram paraqshasynda málim etti, dep habarlaidy "Ult aqparat".
«Ulttyq quryltaidyń alǵashqy otyrysy 16 maýsymda jańadan qurylǵan Ulytaý oblysynda ótedi. Atalǵan konsýltativtik-keńesshi organnyń quramyna Parlament depýtattary, Qazaqstan halqy Assambleiasynyń, azamattyq qoǵam men saiasi partiialardyń ókilderi, kásipkerler men kórnekti sarapshylar, sondai-aq óńirlik qoǵamdyq keńes músheleri kiredi. Ulttyq quryltaidyń eń mańyzdy mindetteriniń biri – qoǵamdyq birigýdi odan ári damytý boiynsha ideialar usynyp, qadamdar jasaý» dedi ol jazbasynda.
Eske salaiyq, 29 sáýirde Prezident Qasym-Jomart Toqaev Ulttyq quryltaidyń alǵashqy otyrysy bir aidan keiin ótetinin aitqan edi.
