Fýtboldan Qazaqstan quramasynyń bas bapkeri Magomed Adievpen kelisimshart merzimi uzartyldy, dep habarlaidy QazAqparat.
Bul jóninde Qazaqstan fýtbol federatsiiasynan málim etti. Jańa kelisimshart 2024 jyldyń sońyna deiin belgilengen.
«Qazaqstan quramasynyń Ulttar ligasyndaǵy jeńisi otandyq fýtboldyń tarihyna endi. Tájiribeli bapker Magomed Musaulyn shaqyryp, alǵashqy mindetterdi oryndai aldyq. Endi maqsat – 2024 jylǵy Eýropa chempionatynyń irikteý kezeńi men ótpeli oiynda joǵary nátijege qol jetkizý», - dedi federatsiia prezidenti Ádilet Barmenqulov.
Aita keteiik, Magomed Adiev Qazaqstan ulttyq quramasynyń bas bapkeri bolyp biyl mamyr aiynda taǵaiyndaldy. Onyń jetekshiligimen ulttyq qurama ÝEFA Ulttar ligasynyń S divizionynda óz tobynda birinshi oryn aldy. Nátijesinde, aldaǵy ýaqytta atalǵan týrnirdiń V divizionynda oinaýǵa múmkindik týdy.
Sondai-aq, kelisimshartqa qol qoiǵannan keiin Magomed Adiev pikir bildirdi.
«Federatsiia basshylyǵyna senim bildirgeni úshin, komandaǵa jankeshti oiyn, jankúierlerge qoldaý kórsetkeni úshin alǵys aitamyn. Biz basty mindet – «V» Ligasyna shyǵý josparyn oryndadyq. Endi 2024 jylǵy Eýropa chempionatynyń aldaǵy oiyndarynda jańa jetistikterge jetý úshin quramamen jumysty jalǵastyrǵym keledi», - dedi ol.
