Birikken Arab Ámirliginiń Dýbai qalasynda ótip jatqan fýtboldan Qazaqstan quramasynyń oqý-jattyǵý jiynyna Baktier Zainýtdinov pen Abat Aiymbetov qosyldy, dep habarlaidy "Ult aqparat".
El quramasy Ulttar ligasy plei-off satysyndaǵy Grekiiaǵa qarsy oiynǵa 19 naýryzda attanady.
BAÁ-de ótip jatqan oqý-jattyǵý jiyny aiasynda qazaqstandyq fýtbolshylar Túrkimenstanmen ótken joldastyq kezdesýde qarsylasyn 2:0 esebimen tize búktirdi.
Aita ketsek, Qazaqstan quramasy Ulttar ligasynda S jolymen 2024 jyldyń 21 naýryzynda jartylai finalda syrt alańda Grekiiamen kezdesedi.
Jeńgen jaǵdaida 26 naýryzda taǵy da syrt alańda Grýziia-Liýksembýrg jubynyń jeńimpazymen sheberlik baiqasady. Jeńimpaz qurama 2024 jylǵy Eýropa chempionaty finaldyq satysyna joldama alady.
Qazaqstandyq fýtbolshylar qurlyqtyq dodanyń irikteý satysynda H tobynda synǵa túsip, úshinshi orynǵa turaqtady. Olar barlyǵy 18 upai jinap, ulttyq quramanyń rekordyn jańartty.
