بٸرٸككەن اراب ەمٸرلٸگٸنٸڭ دۋباي قالاسىندا ٶتٸپ جاتقان فۋتبولدان قازاقستان قۇراماسىنىڭ وقۋ-جاتتىعۋ جيىنىنا باكتيەر زاينۋتدينوۆ پەن ابات ايىمبەتوۆ قوسىلدى, دەپ حابارلايدى "ۇلت اقپارات".
ەل قۇراماسى ۇلتتار ليگاسى پلەي-وفف ساتىسىنداعى گرەكيياعا قارسى ويىنعا 19 ناۋرىزدا اتتانادى.
باە-دە ٶتٸپ جاتقان وقۋ-جاتتىعۋ جيىنى اياسىندا قازاقستاندىق فۋتبولشىلار تٷركٸمەنستانمەن ٶتكەن جولداستىق كەزدەسۋدە قارسىلاسىن 2:0 ەسەبٸمەن تٸزە بٷكتٸردٸ.
ايتا كەتسەك, قازاقستان قۇراماسى ۇلتتار ليگاسىندا س جولىمەن 2024 جىلدىڭ 21 ناۋرىزىندا جارتىلاي فينالدا سىرت الاڭدا گرەكييامەن كەزدەسەدٸ.
جەڭگەن جاعدايدا 26 ناۋرىزدا تاعى دا سىرت الاڭدا گرۋزييا-ليۋكسەمبۋرگ جۇبىنىڭ جەڭٸمپازىمەن شەبەرلٸك بايقاسادى. جەڭٸمپاز قۇراما 2024 جىلعى ەۋروپا چەمپيوناتى فينالدىق ساتىسىنا جولداما الادى.
قازاقستاندىق فۋتبولشىلار قۇرلىقتىق دودانىڭ ٸرٸكتەۋ ساتىسىندا H توبىندا سىنعا تٷسٸپ, ٷشٸنشٸ ورىنعا تۇراقتادى. ولار بارلىعى 18 ۇپاي جيناپ, ۇلتتىق قۇرامانىڭ رەكوردىن جاڭارتتى.
