Mańǵystaýda «Aýyl» Halyqtyq demokratiialyq patriottyq partiiasynyń tóraǵasy Áli Bektaev óńirdiń ziialy qaýym ókilderimen kezdesti.
Partiia tóraǵasy saiasi uiymnyń qoǵamdyq qurylym retinde birneshe jyldan beri ulttyq qundylyqtardy dáripteý baǵytynda atqarǵan jumystary men bolashaq josparlary jaiynda aitty.
«Qazaq halqy úshin ulttyq qundylyqtarymyzdyń negizi aýyl topyraǵynan tamyr tartady. «Aýyl» partiiasy 2016 jyldan beri «Aýylym altyn tuǵyrym» atty ádebi-onlain konkýrsyn uiymdastyryp keledi. Búginge deiin oǵan 100-den astam qalamger qatysty. Ásirese, jastardyń qyzyǵýshylyǵy joǵary. Jyl saiyn ádebi konkýrsqa jiberilgen shyǵarmalardyń ishinen úzdikteri iriktelip alyndy. Nátijesinde «Altyn tuǵyr» atty úsh tomdyq jinaq jaryq kórdi. Biylǵy jyldy eseptegende aýyl taqyrybyna arnalǵan úzdik týyndylardyń kólemi 12 tomdy qurady», - dedi Áli Bektaev.
Jiynǵa qatysýshylar ulttyq qundylyqtarǵa qatysty kózqarasty qaita qaraý qajettigin aitty. Sebebi, jańa zaman jańa trend, jańa talap týǵyzyp otyr. Máselen, qoǵam belsendisi, media-menedjer Ánýar Bimaǵambettiń aitýynsha, ulttyq qundylyqtardy dáripteý úshin kez kelgen adam sol ulttyq qundylyqtarymyzben ómir súrýi tiis.
«Ult degen kózqarastyń ózine qazir basqasha qaraityn ýaqyt keldi degen alǵyshart qoiylyp jatyr. Kez kelgen memleket óziniń ulttyq ideologiiasyn qalyptastyryp jasaityn kezde, ulttyq qundylyǵyna basymdyq beredi. Sebebi ol memlekettiń táýelsizdigine tikelei áser etedi. Óziniń modelin, mádeni órkenietin, ult retindegi ereksheligin saqtaǵan memleketterde ǵana bul másele aitylýy múmkin. Ulttyq qundylyqtarǵa mádeni-materialdyq mura retinde qaramaýy tiis. Kez kelgen qazaqstandyq ulttyq qundylyqtardy saqtai otyryp, búgingi zamanmen bailanystyra otyryp ómir súrýi kerek», -dedi Á. Bimaǵambet.
