Ulttyq qundylyqtaryn baǵalap, sanasyn saralai bilgen eldiń qashanda bolmysy bólek. Bul týraly QR Aqparat jáne qoǵamdyq damý ministri Aida Balaeva málim etti, dep habarlaidy "Ult aqparat".
«Ulttyq qundylyqtaryn baǵalap, sanasyn saralai bilgen eldiń qashanda bolmysy bólek, rýhy biik. Sodan bolar – ulttyq qundylyqtar degende ádette halyqtyń ádet-ǵurpy men salt-dástúrin, ana tili men ónerin, mádenieti men ádebietin aitamyz. Bul árbir azamattyń «ulttyq kodyna» basylǵan qaitalanbas dúnie. Al endi, qoǵamdyq sana – sol «ulttyq kodty» saqtai otyryp, árbir azamatymyzdy bolashaqqa baptai bilýdiń biregei quraly bolmaq. Mine, osynyń bári – Elbasynyń «Bolashaqqa baǵdar: rýhani jańǵyrý» maqalasynyń izimen qabyldanǵan «Rýhani jańǵyrý» baǵdarlamasynyń túpki maqsaty», - dedi ministr Senatta «Ulttyq qundylyqtar – rýhani jańǵyrýdyń negizi» taqyrybyndaǵy dóńgelek ústel otyrysynda.
