Foto: QR Mádeniet jáne aqparat ministrligi
Qazaqstanda kásibi sýretshiler arasynda «Ulttyq qundylyqtar: salttyń syrly beinesi» atty respýblikalyq shyǵarmashylyq baiqaýǵa ótinimder qabyldaý jalǵasyp jatyr, dep habarlaidy Ult.kz.
QR Mádeniet jáne aqparat ministrligi uiymdastyrǵan baiqaýdyń maqsaty – ulttyq qundylyqtar men mádeni nysandardy dáripteý, otandyq sýretshilerdiń shyǵarmashylyǵyn qoldaý jáne qoǵamdaǵy patriottyq rýh pen ulttyq biregeilikti qalyptastyrý.
Baiqaýǵa qazaq halqynyń dástúrli mádeni qundylyqtary taqyrybynda peizaj, natiýrmort jáne siýjettik kartina janrynda jumystaryn usynǵan kásibi sýretshiler qatysa alady.
Ótinimderdi qabyldaý 2025 jyldyń 24 aqpanyna deiin jalǵasady.
Marapattaý rásimi jáne iriktelgen týyndylar kórmesiniń ashylýy 2025 jyldyń 12 naýryzynda ótedi.
Barlyq qosymsha suraqtar boiynsha 8 (7172) 919 035, 919 036 (ishki: 366, 643) telefon nómirlerine habarlasýǵa bolady.
Baiqaý men erejeler týraly tolyq aqparatty Ministrliktiń saitynan bile alasyz.
