Foto: Abai.kz
QR Mádeniet jáne aqparat ministrliginiń qoldaýymen, Qazaqstan Jazýshylar odaǵynyń uiymdastyrýymen «Ulttyq qundylyq. Qazaq etnografiiasy. Zeinolla Sánik – 90 jyl» atty respýblikalyq ekspeditsiia bastaý aldy, dep habarlaidy Ult.kz.
Belgili jazýshy, etnograf Zeinolla Sániktiń mereitoiy aiasynda uiymdastyrylǵan bul arnaiy ekspeditsiia ulttyq rýh pen tarihi sanany jańǵyrtýǵa baǵyttalǵan. Joba barysynda qazaq halqynyń salt-dástúrleri, ádet-ǵuryptary men etnografiiasy dáripteledi.
Qazaqstan Jazýshylar odaǵynyń Basqarma tóraǵasy Mereke Qulkenovtiń bastamasymen qolǵa alynǵan bul aýqymdy joba aiasynda:
-
Ult etnografiiasyn jańǵyrtý;
-
Tarihi oryndardyń jaǵdaiymen tanysý;
-
Rýhani qundylyqtardy dáripteý sekildi mańyzdy sharalar júzege aspaq.
Sondai-aq, jergilikti ólketanýshylar men etnograftar zertteýleriniń negizinde arnaiy kitap shyǵarý josparlanyp otyr.
Jas talanttardy qoldaý maqsatynda Batys Qazaqstan óńirindegi joǵary oqý oryndarynyń daryndy stýdentterine kórnekti aqyn Esenǵali Raýshanov atyndaǵy arnaiy stipendiia taǵaiyndalady.
30 naýryzda Almaty qalasynan jolǵa shyqqan ekspeditsiianyń alǵashqy baǵyty – Mańǵystaý oblysy. 31 naýryzda ekspeditsiia músheleri kieli Shopan ata men Beket ata kesenelerine ziiarat etti. Bul – halqymyzdyń rýhani tamyryna boilaǵan simvoldyq ári taǵylymdy qadam boldy.
Quramynda belgili etnograftar, mádeniettanýshylar, qalamgerler men BAQ ókilderi bar ekspeditsiia músheleri óńir halqymen, osy aimaqtyń tarihi murasyn zertteýshi ǵalymdarmen kezdesip, mazmundy suhbattar ótkizýde.
Ekspeditsiia jumysy erteń Aqtaý qalasynda jalǵasady.
