Qarjy ministri Erulan Jamaýbaev Qazaqstannyń ulttyq qoryna byltyr 4,5 trln teńge qosylǵanyn málim etti, dep habarlaidy QazAqparat.
«2019 jyldyń qorytyndysy boiynsha Ulttyq qor qarajaty shamamen 27,5 trln teńgeni nemese 65,5 mlrd dollardy qurady. Ótken jyly Ulttyq qorǵa shamamen 4,5 trln teńge, onyń ishinde munai sektory uiymdarynan túsetin tikelei salyqtar túsimderi esebinen 2,8 trln teńge tústi», - dedi Erulan Jamaýbaev Qarjy ministri OKQ alańynda ótken halyq aldynda esep berý kezdesýinde.
Ministr sonymen qatar, Úkimettiń eseptiligi men ashyqtyǵynyń basty kórsetkishteriniń biri – «Ashyq biýdjet» tujyrymdamasyn iske asyrý ekenin aityp ótti.
«Ony engizýdiń maqsaty - azamattarǵa biýdjet protsesimen tanysýǵa jáne biýdjet qarajatynyń shyǵystaryn talqylaýǵa qatysýǵa múmkindik berý.
«Halyqtyń baqylaýyndaǵy biýdjet» tujyrymdamasy sheńberinde azamattyq biýdjetti túzý jáne usyný, jergilikti biýdjetterdiń jobalaryn ázirleý máseleleri normativti turǵyda rettelgen. 2019 jyly Nur-Sultan qalasynyń Saryarqa aýdanynda 100 mln teńgege 14 joba boiynsha pilot ótkizildi. Biyl 600 mln teńgege jýyq somaǵa Nur-Sultan qalasynda (barlyq aýdandar) jáne 1,4 mlrd teńgege Almaty qalasynda (8 aýdan) pilottyq jobalar engiziledi», - dedi ol.
