Ulttyq bank tóraǵasynyń orynbasary Áliia Moldabekova Ulttyq qordyń dinamikasy jáne onyń aktivteriniń mólsherine áser etetin faktorlar týraly aitty, dep habarlaidy QazAqparat.
Aldyn ala derekterge qaraǵanda, Ulttyq qordyń valiýtalyq aktivteri ai qorytyndysynda 1,4 mlrd dollarǵa tómendep, qyrkúiektiń sońynda 57,3 mlrd dollar bolǵan.
«Qyrkúiekte 230 mlrd teńge somada biýdjetke kepildi transfertterdi bólý boiynsha mindettemelerdi oryndaý úshin Ulttyq qordyń valiýtalyq aktivterin shamamen 551 mln dollar somada satý Ulttyq qory mólsheriniń tómendeý sebebiniń biri boldy», – deidi Áliia Moldabekova.
Onyń aitýynsha, munaidyń salystyrmaly túrde tómen baǵasynyń saqtalýy sebebinen valiýtalyq túsim 43 mln dollar ǵana boldy.
«Ekonomikalyq belsendiliktiń qalpyna kelýi jáne koronovirýstan jaqyn arada vaktsina paida bolýy jónindegi pozitivtik kútýler aiasynda jetekshi álemdik indekster pandemiia bastalǵanǵa deiingi mánderge qaita oraldy. Nátijesinde, tamyzdyń sońyndaǵy jaǵdai boiynsha jyl basynan beri Ulttyq qordyń investitsiialyq kirisi shamamen 2,3 mlrd AQSh dollary, al onyń kiristiligi 4,2%-ǵa jýyq boldy. Alaida, COVID-19 ekinshi ret qaitalanýy jóninde qaýiptený qyrkúiekte naryqty taǵy da tómendetti, MSCI damyǵan elderiniń aýqymdy aktsiialar naryǵynyń indeksi 3,6%-ǵa azaidy. AQSh dollarynyń nyǵaiýyna bailanysty aýqymdy memlekettik obligatsiialar portfeliniń teris kiristiligi 0,68% kórsetti»,– dep atap ótti ol.
Munyń saldarynan Ulttyq qordyń investitsiialyq kirisi qyrkúiekte teris boldy (-850 mln dollar).
Qordyń jalpy investitsiialyq kirisi jyl basynan bastap oń bolyp qala beredi jáne shamamen 1,5 mlrd dollardy quraidy.
