Ulttyq qorǵa túsken tikelei salyq túsimderiniń kólemi 1,8 esege ulǵaidy. Bul týraly Parlament palatalarynyń birlesken otyrysynda 2021 jylǵy respýblikalyq biýdjettiń atqarylýy týraly esepti qaraý kezinde Premer-Ministrdiń orynbasary–Qarjy ministri Erulan Jamaýbaev málim etti, dep habarlaidy QazAqparat.
«Esep komiteti Ulttyq qordan beriletin nysanaly transfert somasynyń ulǵaiǵanyn aitqan bolatyn. Ásirese, qazirgi shyǵyndy óteýge erekshe nazar aýdarǵan. Degenmen, transfertterdiń ósýi áleýmettik mindettemelerdi, daǵdarysqa qarsy sharalardy, memlekettik baǵdarlamalardy qarjylandyrý jáne pandemiia jaǵdaiynda ekonomikadaǵy iskerlik belsendilikti qoldaý qajettiligimen bailanysty boldy. Óz kezeginde, 2020 jylmen salystyrǵanda ótken jyly munai sektorynan Ulttyq qorǵa túsken tikelei salyq túsimderiniń kólemi 1,8 esege ulǵaiǵanyn atap ótkim keledi», - dedi Jamaýbaev.
Onyń aitýynsha, biyldan bastap kepildendirilgen transferttiń mólsherin aiqyndaýda kontrtsikldik biýdjet qaǵidalary eskeriledi.
«Jańa tásilderge sáikes Ulttyq qordan biýdjetke alynatyn qarajat munai sektorynan túsetin qor kiristerinen aspaityn bolady. Sondai-aq biýdjettiń shyǵystaryna da shekteý qabyldandy. Bul Qordyń jinaqtaý fýnktsiiasyn kúsheite otyryp, aktivterdi kóbirek jinaýǵa múmkindik beredi», - dedi Úkimet basshysynyń orynbasary.
