Búgin QR Premer-ministriniń birinshi orynbasary – Qarjy ministri Álihan Smaiylov esep berý kezdesýinde 2019 jyldyń 5 aiyndaǵy biýdjettiń atqarylýy týraly aitty, dep habarlaidy Baq.kz agenttigi.
«2019 jyldyń 5 aiynda memlekettik biýdjetke kiris – 105,4%, respýblikalyq biýdjet – 102,7% jáne jergilikti biýdjet 113,4% qurady. Ótken jyldyń uqsas kezeńimen salystyrǵanda memlekettik biýdjet kiristeri – 510 mlrd teńgege, respýblikalyq biýdjet – 450 mlrd teńgege jáne jergilikti biýdjet 60 mlrd teńgege ósti», - dep aitty Úkimet basshysynyń birinshi orynbasary.
Smaiylov Ulttyq qor qarjysy týraly da málimet berdi.
«2018 jyl sońynda Ulttyq qordaǵy qarjy 26,1 trln teńgeni nemese 61,6 mlrd AQSh dollaryn qurady. Byltyr Ulttyq qorǵa 5,8 trln teńge kelip tústi, onyń 3,2 trln teńgesi – munai sektory uiymdarynyń tikelei salyqtarynan, 2,5 trln teńge – investitsiialyq kiristerden, 21,6 mlrd teńge basqa da túsimderden tústi. 2018 jyly Ulttyq qor qarjysynyń 2,6 trln teńge jumsaldy: onyń ishinde kepildendirilgen transfert túrinde biýdjettik baǵdarlamalar shyǵyndaryn qarjylandyrýǵa – 2,6 trln teńge, qordy basqarýǵa bilanysty shyǵyndardy jabýǵa 18 mlrd teńge bólindi. 2018 jyly respýblikalyq biýdjetke maqsatty transfert túrinde Ulttyq qor qarjysy bólingen joq», - dep aitty Qarjy ministri.
