«Talap» qoldanbaly ǵylymdar ortalyǵynyń direktory, Ulttyq qoǵamdyq senim keńesiniń múshesi Raqym Oshaqbaev koronavirýs epidemiiasynan keiingi eldiń ekonomikalyq jáne áleýmettik jaǵdaiyna boljam jasady, dep habarlaidy "Ult aqparat".
«Mamyr aiynda barlyq karantindik sharalar aiaqtalady dep úmittenemin, árine, áleýmettik qashyqtyq saqtalady. Mamyr-maýsym ailarynda qalpyna keltirý jumystaryn bastaýǵa árekettenemiz», - dedi Raqym Oshaqbaev Sybailas jemqorlyqpen kúres qyzmetiniń onlain efirinde.
Spikerdiń aitýynsha, munda Qazaqstannyń Ulttyq qorǵa jyldar boiy jinaǵan «qaýipsizdik jastyqshasy» kómektesedi.
«Qazirgi ýaqytta Ulttyq qorda 57,5 mlrd dollar bar. Munaidyń tómen baǵasynda memleket Konstitýtsiiada kepildik berilgen mindettemelerin qanshalyqty oryndai alady dep boljam jasadyq. Qazaqstannyń bekemdik qory aitarlyqtai joǵary. Munai baǵasy kóterilmese de, eksporttyq aǵyndy ártaraptandyrmasa da, bul qor 7 jylǵa jetedi. Iaǵni, Ulttyq qor biýdjet shyǵyndaryn 7 jyl boiy qarjylandyrýǵa múmkindik beredi», - dedi R. Oshaqbaev.
