Foto: gov.kz
Qazaqstanda iske asyrylyp jatqan «Ulttyq qor – balalarǵa» baǵdarlamasy el bailyǵyn óskeleń urpaqqa ádil bólýdi maqsat etedi. Joba aiasynda Qazaqstan azamattyǵy bar árbir kámeletke tolmaǵan balaǵa Ulttyq qordyń investitsiialyq tabysynan qarjy jinaqtalady. Bul qarajat jas azamattardyń bolashaqta bilim alýyna nemese turǵyn úi jaǵdaiyn jaqsartýyna baǵyttalǵan. Baǵdarlama qalai jumys isteidi, kimder qatysa alady jáne jinaqtalǵan qarajatty qashan ári qandai maqsatta paidalanýǵa bolady? Osy jáne ózge de mańyzdy suraqtarǵa Qazaqstan Respýblikasy Qarjy ministrligi jaýap berdi dep habarlaidy Ult.kz.
1. «Ulttyq qor – balalarǵa» baǵdarlamasynyń maqsaty men oǵan júktelgenmindetter qandai?
«Ulttyq qor – balalarǵa» baǵdarlamasy el bailyǵyn óskeleń urpaqqa ádil bólýdi kózdeidi. Qazaqstan jastaryna teń múmkindikterdi qamtamasyz etý memlekettiń basty mindetteriniń biri. Al Qazaqstannyń Ulttyq qoryndaǵy jinaqtar jas azamattarǵa eresek ómirge alǵashqy qadamdy nyq senimmen jasaýǵa septesetin qarjylai qural depaitýǵa tolyq negiz bar.
2. Baǵdarlamaǵa kimder qatysa alady jáne bul joba Qazaqstan azamattyǵy bar barlyqbalaǵa qatysty ma?
Elimizdiń qai óńirinde turyp jatqanyna qaramastan Qazaqstan Respýblikasynyń azamaty bolyp sanalatyn barlyq kámelet jasqa tolmaǵan bala «Ulttyq qor – balalarǵa» baǵdarlamasynyń qatysýshysy ekenin aita keteiik.
3. Osy baǵdarlamanyń aiasynda baǵyttalatyn qarajat qandai kózder esebinen qalyptastyrylady?
Maqsatty (nysanaly) jinaqtar jyl saiyn QR Ulttyq qorynyń on segiz jyldaǵy ortasha investitsiialyq tabysynyń 50% esebinen qalyptastyrylady.
Sonymen qatar kámelet jasqa tolmaǵan azamattarǵa jyl saiyn jiberiletin qarajattyń ústine investitsiialyq tabys ta esepteletinin atap ótken jón.
4. Ár balaǵa tiesili qarajatty esepteý jáne esepke alý protsesi qalai júzege asyrylady?
Jyl saiyn QR Ulttyq bankiniń esebine sáikes BJZQ «Ulttyq qor – balalarǵa» baǵdarlamasyna jiberiletin qarajat somasy men Qazaqstan azamaty bolyp sanalatyn balalardyń sany boiynsha jeke tulǵalardyń memlekettik derekqorynan alynǵan aqparattyń negizinde qajetti aqshany barlyq kámelet jasqa tolmaǵan balanyń arasynda birkelki bóledi.
5. Balalarǵa bólinetin qarajat naqty qaida jinaqtalady jáne belgilengen jasqa deiin bulaqshaǵa kimder ielik etedi?
Kámelet jasqa tolǵanǵa deiin jinaqtalatyn qarajat BJZQ-daǵy ár balanyń shotynda shartty túrde saqtalady. Dese de is júzinde Ulttyq qordyń jalpy aktivterinde bolyp, investitsiialyq baǵdarlamalarǵa qatysyp, kóbeiip otyratynyn aita ketý kerek.
Al belgilengen jasqa tolǵan soń BJZQ arnaiy ataýly shot ashyp, baspana máselesi nemese bilimalýǵa paidalanýǵa bolatyn naqty jinaqtalǵan soma soǵan aýdarylady.
6. Ata-analardyń nemese balalardyń zańdy ókilderiniń osy qarajatty alýǵa nemese basqarý protsesine qatysýy qarastyrylǵan ba?
Kámelet jasqa tolmaǵan balanyń ata-anasy nemese zańdy ókilderi qarajatty jinaqtaý jáne basqarý protsesine qatysa almaidy. Tiisti jasqa tolǵannan keiin atalǵan jinaqtyń iesi ǵana qarajatty paidalana alady.
Kámeletke tolmaǵan balanyń ata-anasy nemese zańdy ókilderi qarajatty esepteý jáne basqarý protsesine qatysa almaidy. Kámeletke tolǵannan keiin bul qarajatty alýshynyń ǵana bilik etý quqyǵy bar.
7. Jetim balalar men ata-ananyń qamqorlyǵynsyz qalǵan balalarǵa arnalǵan uiymdarda tárbielenip otyrǵan jandarǵa qarajat esepteý tetigi qalai iske asyrylady?
«Ulttyq qor – balalarǵa» baǵdarlamasyna áleýmettik jaǵdaiy men mártebesine qaramastan Qazaqstan azamaty bolyp sanalatyn barlyq bala qatysady.
8. Azamat jinaqtalǵan qarajatty qai jasta jáne qandai jaǵdaida paidalanýǵa quqyly?
Jinalǵan qarajatty paidalaný quqyǵy kámelet jasqa tolǵan (18 jasta) kezde jáne Qazaqstan azamattyǵy bar bolǵanda beriledi.
9. Baǵdarlama sheńberinde alynǵan qarajatty qandai maqsattarǵa paidalanýǵa bolady jáne olardyń maqsaty jumsalýy boiynsha shekteýbar ma?
«Ulttyq qor – balalarǵa» baǵdarlamasy aiasynda jinaqtalǵan qarajatty tek turǵyn úi jaǵdailaryn jaqsartýǵa jáne Qazaqstan aýmaǵy men odan tys jerlerde oqý aqysyn tóleý qarastyrylǵan.
10. Elimizdiń azamattary baǵdarlama aiasyndaǵy aýdarymdar men ony iske asyrý tártibi týraly resmi aqparatty qaidan taba alady?
Ata analar balanyń baǵdarlamada bar-joǵyn jáne jinaq somasyn birneshe jolmen teksere alady:
• kids.enpf.kz (balanyń JSN boiynsha) mamandandyrylǵan saitynda;
• eGov.kz portalyndaǵy jeke kabinet arqyly;
• Halyk, Kaspi.kz jáne Bcc.kz mobildi qosymshalarynda.
Eskeretin jait! 18 jasqa tolǵan kezde jinaqtar BJZQ-daǵy arnaiy shotqa aýdarylady jáne aýdarymdardy qarajat alýshy elektrondy tsifrly qoltańba (ETsQ) arqyly ǵana qarai alady.
11. Eger de azamattar málimetterdi tekserý kezinde balalary týraly aqparatty taba almasa nemese «Ulttyq qor – balalarǵa» baǵdarlamasy boiynsha aýdarymdardy kóre almaǵan jaǵdaida ne isteý kerek?
Balaǵa qatysty derekter elektrondy úkimettiń EGov mobile mobildi qosymshasynda tabylmaǵan jaǵdaida HQKO-na baryp, tekserý qajet.
Sondai-aq Qazaqstan azamattyǵyn anyqtaý úshin turǵylyqty jeri boiynsha kóshi-qon qyzmetine habarlasyp, qajetti qujattardyń tizimin alý kerek.
12. «Ulttyq qor - balalarǵa» baǵdarlamasyna qatysatyn ár balaǵa qansha aqsha tólenedi?
Árbir kámelet jasqa tolmaǵan bala «Ulttyq qor - balalarǵa» baǵdarlamasyna qatysý ýaqytyna qarai tiisti qarajatty ala alady.
Máselen, baǵdarlamaǵa 3 jyl (2024-2026 jyldar) qatarynan qatysyp kele jatqan kez kelgen balanyń jalpy jinaqtalǵan somasy 370,56 dollar (2024 jylǵa deiin týǵan) bolady.
2 jyl (2025-2026) qatysqan balanyń tutastai jinaq somasy - 263.93 dollarǵa teń.
Al 2025 jyly dúniege kelgen balalardyń alǵashqy tólemderi 130.71 dollardyń shamasynda.
Demek, kámelet jasqa tolmaǵan ár bala alatyn aqshanyń mólsheri ártúrli bolýy múmkin.
