Qazaqstan Respýblikasy Prezidenti janyndaǵy Ulttyq qoǵamdyq senim keńesi (UQSK) músheleri QR Eńbek jáne halyqty áleýmettik qorǵaý ministrimen kezdesti, dep habarlaidy "Ult aqparat".
QR Prezidenti janyndaǵy Ulttyq Qoǵamdyq Senim Keńesiniń (UQSK) músheleri onlain rejiminde Qazaqstan Respýblikasy Eńbek jáne halyqty áleýmettik qorǵaý ministri Birjan Nurymbetovpen áleýmettik saiasattyń ózekti máselelerin talqylady.
Jumys otyrysyna áleýmettanýshy, «Strategiia» áleýmettik-saiasi zertteýler ortalyǵy» QQ direktory Gúlmira Ileýova, Qazaqstandaǵy BUU Damý baǵdarlamasynyń jetekshisi Arman Qashqynbekov, «Talap» qoldanbaly zertteýler ortalyǵynyń prezidenti, «Nur Otan» partiiasy Saiasi keńesiniń múshesi Rahym Oshaqbaev, saiasattanýshy, BTS Digital ǵylymi jobasynyń jetekshisi Saiasat Nurbek, áleýmettik kásipker Emin Askerov, Eýropalyq quqyq jáne adam quqyǵy saraptamalyq institýtynyń direktory Marat Báshimov, jýrnalist Maksim Rojin, qoǵam qairatkeri, saiasattanýshy Aidos Sarym, «Akselerator dobra» respýblikalyq eriktiler qozǵalysynyń jetekshisi, zańger Ainur Sábitova, jýrnalist jáne qoǵam qairatkeri Liazzat Kojahmet qatysty.
UQSK hatshysy Erlan Karin atap ótkendei, bul keńes músheleriniń ministrlermen besinshi kezdesýi. Densaýlyq saqtaý ministri Aleksei Tsoi, Tsifrlyq damý ministri Baǵdat Mýsin, Bilim jáne ǵylym ministri Ashat Aimaǵambetov jáne Ekologiia, geologiia jáne tabiǵi resýrstar ministri Maǵzum Mirzaǵaliev Ulttyq senim keńesi múshelerimen júzdesken.
Basqosýǵa qatysýshylar ministrge qazirgi tańdaǵy ózekti saýaldardy qoiyp, jan-jaqty jaýaptaryn aldy. Saiasattanýshy, BTS Digital bilim berý jobasynyń jetekshisi Saiasat Nurbek elimizde qyzmetkerlerdiń erkin ýaqytta jáne qashyqtyqtan jumys isteýine arnalǵan zańnamalyq shekteýler bar áli saqtalyp turǵanyn atap ótti.
«Bul - retteý sharalaryn qajet etetin sharýa, óitkeni karantinge qatysty jaǵdai jáne onyń saldary uzaqqa sozylatyn siiaqty», - dedi Nurbek.
«Talap» qoldanbaly zertteýler ortalyǵynyń direktory Rahym Oshaqbaev turǵyndarǵa zeinetaqy qarajatyn tek baspana máselesin sheshýge ǵana emes, ózderi nemese balalarynyń bilim alýyna jumsaýyna múmkindik berý týraly usynys jasady.
«Prezident alǵashynda bilim alýǵa jumsaý týraly aitty, biraq biz ony jumys tobynda talqylaǵan kezde kópshilik búginde Qazaqstanda bilim alýǵa qajetti quraldar jetkilikti degen toqtamǵa keldi. Olar odan góri aqysy qymbatqa túsetin emdeý sharalaryna bólý joldaryn qarastyrýdy jón kórdi. Qazir zań jobasy Parlament qaraýynda jatyr. Biz Eńbek jáne áleýmettik qorǵaý ministrliginde bilim alýdyń jeńil joldary bar degen sheshimge keldik - eger biz qandai da bir azamatqa zeinetaqy qarajatynyń belgili bir mólsherin alýǵa múmkindik bersek, eger ol ony bilim alýǵa jumsasa, onda turǵan eshteńe joq. Eger siz UQSK múshesi retinde qoldaý kórsetseńiz, depýtattar da osyndai pikirde bolsa, muny Parlamentte sheshýge bolady», - dep jaýap berdi Nurymbetov.
«Akselerator dobra» respýblikalyq eriktiler qozǵalysynyń jetekshisi Ainur Sábitova ministrge erikti bolǵan jastarǵa tiimdi paiyzben nesie berýdi qarastyrýdy usyndy.
Otyrystyń sońynda kezdesý barysynda aitylǵan usynystardy ministrlik qabyldaityndyǵy aityldy. Óz kezeginde, Eńbek jáne halyqty áleýmettik qorǵaý ministri B.Nurymbetov birqatar máselelerdi pysyqtaýǵa vedomstvo janyndaǵy jumys tobyna UQSK múshelerin de shaqyrdy.
Sonymen qatar, 24 qyrkúiek kúni keńes músheleri Aýyl sharýashylyǵy ministrimen kezdesý ótkizýdi josparlap otyrǵany belgili boldy.
Aita keteiik, UQSK 2019 jyly Qazaqstan Respýblikasy Prezidentiniń Jarlyǵymen qurylǵan, Keńestiń tórtinshi otyrysy 6 qazan kúni ótedi. UQSK qyzmeti týraly aqparat Facebook pen Telegram.-daǵy resmi paraqshasynda jariialanady.
