Ulttyq qoǵamdyq senim keńesi quramynda rotatsiia jasaldy, dep habarlaidy "Ult aqparat" Aqordanyń baspasóz qyzmetine silteme jasap.
«Ulttyq keńestiń jumysyna jurtshylyqtyń jańa ókilderi – «QazAqparat» Halyqaralyq aqparat agenttigi» AQ Basqarma tóraǵasy Asqar Ýmarov, «ADAL» partiiasy saiasi keńesiniń múshesi - hatshysy Eldar Jumaǵaziev, StopFake.kz jobasynyń jetekshisi, Prezidenttik jastar kadrlyq rezerviniń múshesi Aleksandr Danilov, Aqtóbe qalasyndaǵy «Tandem» teleradiokompaniiasynyń bas direktory Táttigúl Talaeva, «Team Qazaqstan» jastar qozǵalysynyń belsendisi, bilim máseleleri jónindegi sarapshy Qaisar Tursynqoja, Qazaqstan Respýblikasy Prezidentiniń «Bolashaq» Halyqaralyq stipendiiasy stipendiattary qaýymdastyǵynyń atqarýshy direktory, Prezidenttik jastar kadrlyq rezerviniń múshesi Laýra Demesinova tartyldy», delingen habarlamada.
Rotatsiia aiasynda Ulttyq keńes quramynan A.Qojahmetov, Sh.Muqan jáne E.Tursynov shyǵaryldy.
«Ulttyq keńes qurylǵannan beri bir jarym jyl ishinde onyń bastamalaryn iske asyrý sheńberinde 10 zań qabyldandy jáne taǵy 7 zań qarastyrylýda.
Qazirgi ýaqytta Ulttyq qoǵamdyq senim keńesiniń besinshi otyrysyna daiyndyq júrgizilýde», delingen habarlamada.
