Kitaphanashylar «Aq joldyń» áleýmettik saladaǵy bastamalaryn qoldaidy. Demokratiialyq partiianyń kandidattary elordalyqtardy ózderiniń sailaýaldy baǵdarlamasymen tanystyrdy, dep habarlaidy "Ult aqparat" partiiayń baspasóz qyzmetine silteme jasap.
Daniia Espaeva men Sultan Han Júsip Ulttyq kitaphana ujymymen kezdesti. «Aqjoldyqtar» «Túbegeili ózgerister qajet» sailaýaldy baǵdarlamasy men partiia qyzmeti týraly aityp berdi.
Kitaphana qyzmetkerleri «Aq joldyń» áleýmettik saladaǵy usynystary men bastamalaryn erekshe yqylaspen qabyldady. Olardyń aitýynsha, Ulttyq kitaphanada 140 adam jumys isteidi, onyń 40%-y jastar. Qazirgi tańda urǵyn úi máselesi óte ózekti bolyp otyr. Óitkeni uiym jalpy talaptarǵa sai kelmeitindikten, turǵyn úi boiynsha memlekettik baǵdarlamardyń eshqaisysyna qatysa almaidy.
Sondyqtan partiianyń jastarǵa arnalǵan jataqhanalar salý jónindegi usynystary erekshe qoldaý tapty.
«Bul jastardy qoldaý úshin óte qajetti shara. Sondai-aq, biz sizderdiń ipotekany sýbsidiialaý jónindegi usynystaryńyzdy da qoldaimyz», – dep atap ótti kitaphanashylar.
Kezdesýge qatysýshylar uzaq ýaqyttan beri salynyp bitpegen úiler («Baspana-Kóktal» TK) máselesin de kóterdi.
Sonymen qatar, olar balalar kitaphanalarynyń qajettiligi týraly aitty. Búgingi tańda elimizde 256 balalar kitaphanasy bar, olardyń 7-i ǵana belgili bir mártebege ie. Kitaphana qyzmetkerleriniń aitýynsha bul taqyryp ata-analardy da, muǵalimderdi de mazalaidy.
Daniia Espaeva kezdesýge qatysýshylardyń kótergen barlyq máseleleri nazarǵa alynatynyn jáne olardyń partiianyń aldaǵy jumysynda paidalanylatynyn habarlady.
Eskertý. Materialdyń aqysy «Aq jol» partiiasynyń sailaý qorynan tólendi.
