«Ulttyq kinony qoldaý memlekettik ortalyǵy» kommertsiialyq emes aktsionerlik qoǵamynyń basqarma tóraǵasy bolyp Esetjan Qosýbaev taǵaiyndaldy, dep habarlaidy "Ult aqparat".
Atalǵan ortalyqtyń resmi saityndaǵy aqparatqa sáikes, Kino ortalyǵynyń ujymyna uiymnyń jańa basshysyn QR Mádeniet jáne sport ministrliginiń jaýapty hatshysy Baqytjan Temirbolat tanystyrǵan.
Esetjan Muratuly memlekettik basqarý organdarynda qyzmet etken. QR Mádeniet, aqparat jáne sport ministrligin basqarǵan. Mediakompaniialar men qoǵamdyq qurylymdarǵa basshylyq jasap, mádeniet salasynda túrli jobalardy uiymdastyrǵan.
Ol 1955 jyly Almaty qalasynda dúniege kelgen. 1980 jyly S.Kirov atyndaǵy Qazaq memlekettik ýniversitetiniń tarih fakýltetin bitirgen. Iri halyqaralyq óner forýmdaryn, qoǵamdyq aktsiialardy, is-sharalardy uiymdastyrýǵa jáne ótkizýge atsalysqan. Ár jyldary «ART-Tsentr» prodiýserlik ortalyǵynyń bas direktory, «Almaty – moia pervaia liýbov» retro festivaliniń prodiýseri jáne júrgizýshisi bolǵan. «Aziia daýysy» halyqaralyq mýzykalyq festivalderiniń irgetasyn qalaǵandardyń biri. «Asyl mura» qamqorshylyq keńesiniń quramynda bolǵan, sonyń arqasynda kórnekti qazaq kompozitorlarynyń shyǵarmalary bar bir jarym myńnan astam muraǵattyq jazbalar qalpyna keltirilgen
Birneshe jyl boiy mádeni-qoǵamdyq institýttardy basqarǵan. Kommertsiialyq jáne qarjy qurylymdaryn basqarý tájiribesi bar. Qazaqstandy mádeni, áleýmettik jáne ǵylymi-tehnikalyq damytý qorynyń bas direktorynyń orynbasary, «Bóbek» balalar qaiyrymdylyq qorynyń vitse-prezidenti, «Kazenergy» qoǵamdyq qorynyń prezidenti laýazymdarynda qyzmet etken. «Altyn-Alma» AQ basqarma tóraǵasy, «Atameken» Qazaqstannyń Ulttyq ekonomikalyq palatasynyń basqarma múshesi bolǵan.
Esetjan Muratuly otandyq mediaqurylymdardyń, kino men televiziianyń aiaqqa turýyna jáne damýyna zor úles qosqan. «Raýan Media Grýpp» kompaniiasynyń direktorlar keńesin basqarǵan. 1998 jyly Ortalyq Aziiadaǵy eń iri kinoforým – «Evraziia» Birinshi halyqaralyq kinofestivaliniń bas direktory bolyp taǵaiyndalǵan.
E.Qosýbaevtyń shyǵarmashylyq ómirbaianynda jeke akterlik tájiribesi bar. Onyń ishinde ataqty keńes rejisseri Iýrii Chýliýkinniń «I v shýtký, i vserioz...» filminde (1963 j.) basty róldi somdaǵan. Qazirgi ýaqytta E.Qosýbaev Sháken Aimanov atyndaǵy «Qazaqfilm» AQ Direktorlar keńesiniń múshesi jáne táýelsiz direktory.
«Qurmet» jáne 2 dárejeli «Dostyq», Reseidiń Chernobyl ardagerler komitetiniń «Dolg i chest» ordenderimen, sonymen qatar, túrli tósbelgilermen jáne medaldarmen marapattalǵan.
