Ulttyq qoǵamdyq senim keńesiniń múshesi Erlan Sairov uiymnyń quramy ýaqyt talabyna sai ózgerip otyrýy múmkin ekenin aitty, dep habarlaidy QazAqqparat tilshisi.
Áýeli Erlan Sairov halyq Ulttyq keńeske óz usynys-shaǵymdaryn qalai jetkizetinin túsindirdi.
«Ulttyq keńes músheleriniń barlyǵynyń áleýmettik jelide akkaýnttary bar. Sol akkaýnttar arqyly habarlasýǵa bolady. Ulttyq keńestiń hatshysy Erlan Qarin jýyqta keńestiń jeke akkaýnty ashylatynyn aitty. Osy akkaýnt arqyly da eldiń pikiri qabyldanatyn bolady», - deidi qoǵam qairatkeri.
Sarapshynyń pikirinshe, Ulttyq keńes quramy ýaqyt talabyna sai ózgerip turýy kerek.
«Meniń jeke pikirim boiynsha, keńestiń quramy ózgerip turýy qajet. Qajet bolsa, músheler sany kóbeiýi de múmkin. Al jumysyna úlgere almai, qoǵamnyń senimin aqtamaǵandar ornyn basqalarǵa berýi kerek. Biz tsifrlyq zamanda ómir súrip jatqandyqtan, 40-tan astam múshe degen shartty dúnie. Sovet zamanyndaǵy siiaqty qasań rejimnen aýlaq bolýymyz kerek. Keńestiń jumysyna 18 mln adamnyń barlyǵynyń qatysýǵa quqyǵy bar. Eldiń oi-pikirin durys jetkize almaǵan adamdar ornyn bosatady. Mysaly men ózim keńes jumysyndaǵy missiiam oryndalmai jatsa, óz ornyma basqa adamdy usynamyn», - dedi ol.
