ۇلتتىق قوعامدىق سەنٸم كەڭەسٸنٸڭ مٷشەسٸ ەرلان سايروۆ ۇيىمنىڭ قۇرامى ۋاقىت تالابىنا ساي ٶزگەرٸپ وتىرۋى مٷمكٸن ەكەنٸن ايتتى, دەپ حابارلايدى قازاققپارات تٸلشٸسٸ.
ەۋەلٸ ەرلان سايروۆ حالىق ۇلتتىق كەڭەسكە ٶز ۇسىنىس-شاعىمدارىن قالاي جەتكٸزەتٸنٸن تٷسٸندٸردٸ.
«ۇلتتىق كەڭەس مٷشەلەرٸنٸڭ بارلىعىنىڭ ەلەۋمەتتٸك جەلٸدە اككاۋنتتارى بار. سول اككاۋنتتار ارقىلى حابارلاسۋعا بولادى. ۇلتتىق كەڭەستٸڭ حاتشىسى ەرلان قارين جۋىقتا كەڭەستٸڭ جەكە اككاۋنتى اشىلاتىنىن ايتتى. وسى اككاۋنت ارقىلى دا ەلدٸڭ پٸكٸرٸ قابىلداناتىن بولادى», - دەيدٸ قوعام قايراتكەرٸ.
ساراپشىنىڭ پٸكٸرٸنشە, ۇلتتىق كەڭەس قۇرامى ۋاقىت تالابىنا ساي ٶزگەرٸپ تۇرۋى كەرەك.
«مەنٸڭ جەكە پٸكٸرٸم بويىنشا, كەڭەستٸڭ قۇرامى ٶزگەرٸپ تۇرۋى قاجەت. قاجەت بولسا, مٷشەلەر سانى كٶبەيۋٸ دە مٷمكٸن. ال جۇمىسىنا ٷلگەرە الماي, قوعامنىڭ سەنٸمٸن اقتاماعاندار ورنىن باسقالارعا بەرۋٸ كەرەك. بٸز تسيفرلىق زاماندا ٶمٸر سٷرٸپ جاتقاندىقتان, 40-تان استام مٷشە دەگەن شارتتى دٷنيە. سوۆەت زامانىنداعى سيياقتى قاساڭ رەجٸمنەن اۋلاق بولۋىمىز كەرەك. كەڭەستٸڭ جۇمىسىنا 18 ملن ادامنىڭ بارلىعىنىڭ قاتىسۋعا قۇقىعى بار. ەلدٸڭ وي-پٸكٸرٸن دۇرىس جەتكٸزە الماعان ادامدار ورنىن بوساتادى. مىسالى مەن ٶزٸم كەڭەس جۇمىسىنداعى ميسسييام ورىندالماي جاتسا, ٶز ورنىما باسقا ادامدى ۇسىنامىن», - دەدٸ ول.
