Ulttyq keńes músheleri Memleket basshysynyń Joldaýyn talqylady, dep habarlaidy "Ult aqparat".
«Joldaýda aitylǵan biraz bastamalar kezinde Ulttyq keńes otyrysynda kóterilgen máseleler. Bul keńes músheleri jumysynyń bir kórinisi dep esepteimiz. Ekinshiden, búgingi otyrysta Ulttyq keńestiń jumys josparyn aiqyndap, sol arqyly joldaýda aitylǵan árbir bastamany qalai júzege asyrý kerektigin pysyqtaýdamyz. Iaǵni Memleket basshysynyń joldaýda aitqan bastamalary men tapsyrmalardy oryndaýdyń tetikterin qarastyratyn bolamyz», - dedi QR Prezidentiniń kómekshisi Erlan Qarin otyrys barysynda.
Onyń aitýynsha, Ulttyq keńes músheleri Prezident Joldaýynyń júzege asyrý protsesin birneshe baǵyt boiynsha jeke qarastyrady.
«Joldaýda aitylǵan negizgi máselelerdi nazarǵa ala otyryp, onyń oryndalýyn 11 baǵyt boiynsha bólip qarastyrýdamyz. Onyń ishinde saiasi, ekonomikalyq, áleýmettik jáne taǵy basqa salalar qamtylǵan. Joldaýdyń mazmuny aýqymdy, demek atqarylýy tiis jumys kóp degen sóz. Osy oraida, aldaǵy qazan aiyna Ulttyq keńestiń 4-shi otyrysyn ótkizýdi josparlap otyrmyz», - dedi ol.
