ۇلتتىق كەڭەس مٷشەلەرٸ مەملەكەت باسشىسىنىڭ جولداۋىن تالقىلادى, دەپ حابارلايدى "ۇلت اقپارات".
«جولداۋدا ايتىلعان بٸراز باستامالار كەزٸندە ۇلتتىق كەڭەس وتىرىسىندا كٶتەرٸلگەن مەسەلەلەر. بۇل كەڭەس مٷشەلەرٸ جۇمىسىنىڭ بٸر كٶرٸنٸسٸ دەپ ەسەپتەيمٸز. ەكٸنشٸدەن, بٷگٸنگٸ وتىرىستا ۇلتتىق كەڭەستٸڭ جۇمىس جوسپارىن ايقىنداپ, سول ارقىلى جولداۋدا ايتىلعان ەربٸر باستامانى قالاي جٷزەگە اسىرۋ كەرەكتٸگٸن پىسىقتاۋدامىز. ياعني مەملەكەت باسشىسىنىڭ جولداۋدا ايتقان باستامالارى مەن تاپسىرمالاردى ورىنداۋدىڭ تەتٸكتەرٸن قاراستىراتىن بولامىز», - دەدٸ قر پرەزيدەنتٸنٸڭ كٶمەكشٸسٸ ەرلان قارين وتىرىس بارىسىندا.
ونىڭ ايتۋىنشا, ۇلتتىق كەڭەس مٷشەلەرٸ پرەزيدەنت جولداۋىنىڭ جٷزەگە اسىرۋ پروتسەسٸن بٸرنەشە باعىت بويىنشا جەكە قاراستىرادى.
«جولداۋدا ايتىلعان نەگٸزگٸ مەسەلەلەردٸ نازارعا الا وتىرىپ, ونىڭ ورىندالۋىن 11 باعىت بويىنشا بٶلٸپ قاراستىرۋدامىز. ونىڭ ٸشٸندە ساياسي, ەكونوميكالىق, ەلەۋمەتتٸك جەنە تاعى باسقا سالالار قامتىلعان. جولداۋدىڭ مازمۇنى اۋقىمدى, دەمەك اتقارىلۋى تيٸس جۇمىس كٶپ دەگەن سٶز. وسى ورايدا, الداعى قازان ايىنا ۇلتتىق كەڭەستٸڭ 4-شٸ وتىرىسىن ٶتكٸزۋدٸ جوسپارلاپ وتىرمىز», - دەدٸ ول.
