QR Prezidenti janyndaǵy Ulttyq qoǵamdyq senim keńesiniń múshesi Marat Shibutov koronavirýs indeti órship turǵan kezde jiberilgen qatelikterden sabaq alý qajettigi týraly aitty, dep habarlaidy QazAqparat.
«Koronavirýsty bári daiyndyqsyz qarsy aldy», - dedi Marat Shibutov QR Sybailas jemqorlyqqa qarsy qyzmeti ótkizgen AntikorLive jobasynda.
Ol koronavirýs indeti órship turǵan kezde Qazaqstan úshin ózekti másele ne bolǵany týraly aitty.
«Daǵdarys kezinde elimizdegi keibir qurylym joq bolyp ketti. Bári qalypqa kelgen kezde ǵana olar kózge kórinip, baspasóz habarlamasyn tarata bastady. Al halyqqa kerek kezde kózden tasa boldy. Aldaǵy ýaqytta mundai qatelikke jol bermeýimiz kerek. Qatelikten sabaq alyp, júiedegi keibir qurylymnyń áreketsiz otyrýyna jol bermeýimiz kerek. Mysaly, ne úshin jemqorlyqqa qarsy kúres qyzmeti basqa jaqqa tasymas úshin nemese eshkim urlap ketpesi úshin gýmanitarlyq kómekti qadaǵalaýǵa májbúr boldy? Bul neni bildiredi? Bul koronavirýs indeti órship turǵan kezde «SK-Farmatsiia» durys jumys istemegenin, qoǵamnyń oǵan senimi bolmaǵanyn bildiredi», - dedi ol.
Ol osy kompaniiaǵa qatysty qylmystyq is qozǵalý barysynda basqa da bylyqtary ashylýy múmkin ekenin atap ótti.
