قر پرەزيدەنتٸ جانىنداعى ۇلتتىق قوعامدىق سەنٸم كەڭەسٸنٸڭ مٷشەسٸ مارات شيبۇتوۆ كوروناۆيرۋس ٸندەتٸ ٶرشٸپ تۇرعان كەزدە جٸبەرٸلگەن قاتەلٸكتەردەن ساباق الۋ قاجەتتٸگٸ تۋرالى ايتتى, دەپ حابارلايدى قازاقپارات.
«كوروناۆيرۋستى بەرٸ دايىندىقسىز قارسى الدى», - دەدٸ مارات شيبۇتوۆ قر سىبايلاس جەمقورلىققا قارسى قىزمەتٸ ٶتكٸزگەن AntikorLive جوباسىندا.
ول كوروناۆيرۋس ٸندەتٸ ٶرشٸپ تۇرعان كەزدە قازاقستان ٷشٸن ٶزەكتٸ مەسەلە نە بولعانى تۋرالى ايتتى.
«داعدارىس كەزٸندە ەلٸمٸزدەگٸ كەيبٸر قۇرىلىم جوق بولىپ كەتتٸ. بەرٸ قالىپقا كەلگەن كەزدە عانا ولار كٶزگە كٶرٸنٸپ, باسپاسٶز حابارلاماسىن تاراتا باستادى. ال حالىققا كەرەك كەزدە كٶزدەن تاسا بولدى. الداعى ۋاقىتتا مۇنداي قاتەلٸككە جول بەرمەۋٸمٸز كەرەك. قاتەلٸكتەن ساباق الىپ, جٷيەدەگٸ كەيبٸر قۇرىلىمنىڭ ەرەكەتسٸز وتىرۋىنا جول بەرمەۋٸمٸز كەرەك. مىسالى, نە ٷشٸن جەمقورلىققا قارسى كٷرەس قىزمەتٸ باسقا جاققا تاسىماس ٷشٸن نەمەسە ەشكٸم ۇرلاپ كەتپەسٸ ٷشٸن گۋمانيتارلىق كٶمەكتٸ قاداعالاۋعا مەجبٷر بولدى? بۇل نەنٸ بٸلدٸرەدٸ? بۇل كوروناۆيرۋس ٸندەتٸ ٶرشٸپ تۇرعان كەزدە «سك-فارماتسييا» دۇرىس جۇمىس ٸستەمەگەنٸن, قوعامنىڭ وعان سەنٸمٸ بولماعانىن بٸلدٸرەدٸ», - دەدٸ ول.
ول وسى كومپانيياعا قاتىستى قىلمىستىق ٸس قوزعالۋ بارىسىندا باسقا دا بىلىقتارى اشىلۋى مٷمكٸن ەكەنٸن اتاپ ٶتتٸ.
