Ulttyq qoǵamdyq senim keńesi músheleriniń jumys kezdesýi ótti, dep habarlaidy "Ult aqparat".
Kezdesýde 2019 jylǵy 20 jeltoqsanda ótken Ulttyq qoǵamdyq senim keńesiniń ekinshi otyrysynda Memleket basshysy jariialaǵan reformalardyń birinshi paketiniń iske asyrylý barysy talqylandy.
Ulttyq keńestiń hatshysy Erlan Karin QR Prezidenti Q.K.Toqaevtyń tapsyrmalaryn iske asyrý aiasynda belsendi ári keshendi jumys júrgizilip jatqanyn atap ótti.
Osy jyldyń basynan beri birqatar zań jobalary daiyndaldy.
Atap aitqanda, «Beibit jiyndardy uiymdastyrý jáne ótkizý tártibi týraly» jáne parlamenttik oppozitsiia institýtyn engizýdi kózdeitin «QR Parlamenti jáne onyń depýtattarynyń mártebesi týraly» zań jobalary qoǵamdyq talqylaýdan keiin Parlament Májilisiniń qaraýyna engizildi.
Prezident Ákimshiliginiń qaraýyna saiasi partiialardy qurý úshin tirkeý kedergisin 40 myńnan 20 myń adamǵa deiin tómendetýdi jáne sailaýǵa túsken saiasi partiialardyń tiziminde áielder men jastarǵa arnalǵan mindetti 30% kvotany qarastyrýdy kózdeitin «Saiasi partiialar týraly» zańǵa ózgerister men tolyqtyrýlar engizý týraly» jáne «Qazaqstandaǵy sailaý týraly» konstitýtsiialyq zańyna tolyqtyrýlar engizý týraly» zań jobalary engizildi.
Parlament Májilisi depýtattarynyń bastamasymen «Qazaqstan Respýblikasynyń keibir zańnamalyq aktilerine qylmystyq zańnamany jetildirý boiynsha tolyqtyrýlar men ózgerister engizý týraly» zań jobasyna Qylmystyq kodekstiń jala jabý týraly 130-babyn dekriminalizatsiialaýǵa qatysty túzetýler engizildi.
Qylmystyq kodekstiń áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrý týraly 174-babynyń orys tilindegi nusqasynda «vozbýjdenie» degen sózdi «razjiganie» degen sózge aýystyrýdy jáne 2000-nan 7000-ǵa deiin AEK kóleminde aiyppul tóleýdi (qazir tek 2 jyldan 7 jylǵa deiin bas bostandyǵynan aiyrý qarastyrylǵan) qarastyratyn túzetýlerdi júzege asyratyn zań jobasy anyqtalýda.
Sonymen qatar, Qylmystyq kodekstiń 174-baby boiynsha qylmystyq jazasyn ótegen jáne quqyq qorǵaý organdarynyń oń qorytyndysyn alǵan tulǵalarǵa qarjylyq shekteýdi jeńildetýdi kózdeitin «Qazaqstan Respýblikasynyń keibir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl máseleleri boiynsha ózgerister men tolyqtyrýlar engizý týraly» zań jobasy Parlament Senatynyń qaraýynda.
Syrtqy ister ministrligi tarapynan Qazaqstannyń Azamattyq jáne saiasi quqyqtar jónindegi Halyqaralyq paktiniń Ekinshi Fakýltativti hattamasynaqosylýy boiynsha protsedýralar bastaldy.
Ekonomikalyq reformalardy da iske asyrý josparly túrde júrgizilýde.
2020 jylǵy 17 qańtarda QR Aýyl sharýashylyǵy ministri «Aýyl sharýashylyǵy maqsatyndaǵy jerlerdi utymdy paidalaný qaǵidalaryn bekitý jáne QR Aýyl sharýashylyǵy ministriniń keibir buiryqtaryna ózgerister men tolyqtyrý engizý týraly» buiryqqa qol qoidy. Onyń aiasynda ShQO, Aqmola, Mańǵystaý, Qostanai oblystarynda jerdiń ǵaryshtyq monitoringi boiynsha pilottyq jobany júrgizý kózdelgen. Kvazimemlekettik sektor jumysynyń tiimdiligin arttyrý maqsatynda Úkimet 10 ulttyq holding pen ulttyq kompaniialardy anyqtap, olardyń direktorlar keńesiniń quramyna azamattyq qoǵam ókilderin engizetin bolady. Sonymen qatar, Esep komitetiniń tekseriletin memlekettik organdar men uiymdar boiynsha aýditorlyq qorytyndylardyń azamattyq nusqasyn jariialaý úshin «Respýblikalyq biýdjettiń atqarylýyn baqylaý jónindegi esep komitetiniń internet-resýrsy týraly» buiryqqa ózgeris engizildi.
2020 jyldyń qańtarynan bastap Ulttyq bank Ulttyq qordan valiýta naryǵyndaǵy transfertterdi jáne Ulttyq qordan transfertterdi konvertatsiialaý boiynsha aqparatty ai saiyn jariialaýda. Odan basqa, Ulttyq bank tarapynan Aqsha-nesie saiasaty strategiiasynyń jobasy daiyndaldy, Ulttyq ekonomika ministrligi men Qarjy ministrligi birlese otyryp Syrtqy boryshtyń tizilimin jariialaýdyń formatyn anyqtady.
«Atameken» UKP otandyq adal nietti biznes-áriptesterdiń reestryn ázirleý ústinde.
Áleýmettik sala men jumyspen qamtýǵa kelsek, QR Úkimetiniń 2019 jylǵy 27 jeltoqsandaǵy №984 qaýlysyna sáikes shet elden keletin jumys kúshine beriletin kvota 40% qysqardy.
2020 jyldan bastap ataýly áleýmettik kómek (AÁK) tólenip jáne kepildendirilgen áleýmettik paket (KÁP) berile bastady. Eńbek jáne halyqty áleýmettik qorǵaý ministrligimen múmkindikteri shekteýli tulǵalarǵa kómek kórsetý sharalary pysyqtalýda. Múgedekterdi keshendi ońaltý qyzmetterin kórsetýdi nyǵaitý jáne keńeitý maqsatynda aǵymdaǵy jyldan bastap Nur-Sultan, Shymkent qalalarynda jáne Aqmola oblysynda 3 ońaltý ortalyǵyn salý josparlanyp otyr. 2021 jyly taǵy 5 óńirde osyndai ortalyq qurylysyn salý josparlanǵan.
Memleket basshysynyń Ulttyq keńestiń ekinshi otyrysynda bergen tapsyrmalaryn iske asyrý Prezident Ákimshiliginiń baqylaýynda.
Jalpy, kezdesýge qatysýshylar qysqa merzimge qaramastan, Memleket basshysynyń birqatar bastamalarynyń júzege asyrylǵanyn jáne basqa tapsyrmalar boiynsha oń sheshim qabyldanyp, olardyń oryndalý barysynda ekenin atap ótti.
Sonymen qatar, kezdesý barysynda Ulttyq keńes músheleri úshinshi otyrystyń elimizdegi bilim júiesin jańǵyrtýǵa arnalǵan taqyryptyq kún tártibin talqylady.
