Qazaqstan halyq Assambleiasynyń múshesi, «Jańǵyrý joly» jastar qozǵalysynyń tóraǵasy Maksim Spotkai Ulttyq qoǵamdyq senim keńesiniń qurylýy týraly pikir bildirdi, dep habarlaidy QazAqparat tilshisi.
«Memleket basshysy óziniń ulyqtaý rásiminde Ulttyq qoǵamdyq senim keńesiniń qurylatynyn habarlaǵan edi. Sózsiz, keńestiń basty maqsaty – qoǵamdyq dialog úshin tiimdi alań qurý bolyp sanalady. Bul óte qalypty jaǵdai, óitkeni búginde alýan túrli máseleler boiynsha túrli suraq bar. Adamdardyń pikiri resmi ustanymmen únemi sáikes kele bermeidi», - dedi Maksim Spotkai.
Sonymen birge, ol keńestiń basty artyqshylyqtary týraly aityp berdi.
«Qoǵamdyq keńestiń eń basty artyqshylyǵy – órkenietti túrde mámile jasai alýymyz bolýy kerek. Bizdegi ahýal qoǵamnyń ózgergenin, barlyq adamdardyń, onyń ishinde biliktiń ózgeriske daiyn bolýy qajettigin kórsetti. Ulttyq qoǵamdyq senim keńesi qazaqstandyq qoǵamnyń aldaǵy demokratiialyq damýǵa daiyn ekenin, bir-birimen ashyq sóilesip, mámile jasai alatynyn kórsetýi tiis», - dedi spiker.
Eske sala ketsek, búgin Memleket basshysy Qasym-Jomart Toqaev Ulttyq qoǵamdyq senim keńesi týraly Jarlyqqa qol qoidy. Sondai-aq keńestiń quramyna kimder engeni belgili boldy.
