قازاقستان حالىق اسسامبلەياسىنىڭ مٷشەسٸ, «جاڭعىرۋ جولى» جاستار قوزعالىسىنىڭ تٶراعاسى ماكسيم سپوتكاي ۇلتتىق قوعامدىق سەنٸم كەڭەسٸنٸڭ قۇرىلۋى تۋرالى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«مەملەكەت باسشىسى ٶزٸنٸڭ ۇلىقتاۋ رەسٸمٸندە ۇلتتىق قوعامدىق سەنٸم كەڭەسٸنٸڭ قۇرىلاتىنىن حابارلاعان ەدٸ. سٶزسٸز, كەڭەستٸڭ باستى ماقساتى – قوعامدىق ديالوگ ٷشٸن تيٸمدٸ الاڭ قۇرۋ بولىپ سانالادى. بۇل ٶتە قالىپتى جاعداي, ٶيتكەنٸ بٷگٸندە الۋان تٷرلٸ مەسەلەلەر بويىنشا تٷرلٸ سۇراق بار. ادامداردىڭ پٸكٸرٸ رەسمي ۇستانىممەن ٷنەمٸ سەيكەس كەلە بەرمەيدٸ», - دەدٸ ماكسيم سپوتكاي.
سونىمەن بٸرگە, ول كەڭەستٸڭ باستى ارتىقشىلىقتارى تۋرالى ايتىپ بەردٸ.
«قوعامدىق كەڭەستٸڭ ەڭ باستى ارتىقشىلىعى – ٶركەنيەتتٸ تٷردە مەمٸلە جاساي الۋىمىز بولۋى كەرەك. بٸزدەگٸ احۋال قوعامنىڭ ٶزگەرگەنٸن, بارلىق ادامداردىڭ, ونىڭ ٸشٸندە بيلٸكتٸڭ ٶزگەرٸسكە دايىن بولۋى قاجەتتٸگٸن كٶرسەتتٸ. ۇلتتىق قوعامدىق سەنٸم كەڭەسٸ قازاقستاندىق قوعامنىڭ الداعى دەموكراتييالىق دامۋعا دايىن ەكەنٸن, بٸر-بٸرٸمەن اشىق سٶيلەسٸپ, مەمٸلە جاساي الاتىنىن كٶرسەتۋٸ تيٸس», - دەدٸ سپيكەر.
ەسكە سالا كەتسەك, بٷگٸن مەملەكەت باسشىسى قاسىم-جومارت توقاەۆ ۇلتتىق قوعامدىق سەنٸم كەڭەسٸ تۋرالى جارلىققا قول قويدى. سونداي-اق كەڭەستٸڭ قۇرامىنا كٸمدەر ەنگەنٸ بەلگٸلٸ بولدى.
