Memleket basshysy Qasym-Jomart Toqaev Ulttyq qoǵamdyq senim keńesi múshelerine alǵys bildirdi, dep habarlaidy "Ult aqparat".
«Meniń oiymsha, búgin aitylǵan usynystar ózekti ári mańyzdy bolyp shyqty. Ulttyq qoǵamdyq senim keńesiniń qurylǵanyna bir jyl toldy. Osy aralyqta keńes tolyq qalyptasty. Onyń qajettiligine barshamyz kóz jetkizdik. Ulttyq keńes bilik pen qoǵam arasynda syndarly dialog ornata alatyn tiimdi institýtsionaldy qurylymǵa ainaldy. Keńes músheleri elimiz úshin mańyzdy sheshimder ázirlep, solardyń júzege asyrylýyna kúsh saldy. Osyǵan deiin ótkizilshen úsh otyrystyń barlyǵy da paidaly bolǵany sózsiz», - dedi Qasym-Jomart Toqaev Ulttyq qoǵamdyq senim keńesiniń otyrysynda.
Memleket basshysynyń aitýynsha Ulttyq keńestiń jumysy sheteldik sarapshylardyń qyzyǵýshylyǵyn týǵyzýda.
«Pandemiiaǵa qaramastan keńeste ózekti máseleler turaqty túrde talqylanyp keledi. Oǵan ministrler de atsalysýda. Jalpy sizderdiń arqalaryńyzda birneshe mańyzdy bastama júzege asyryldy. Sondai-aq, memlekettik saiasattyń túrli salalaryn reformalaýǵa qatysty jańa usynystar ázirlenýde. Osy tusta keńestiń barlyq múshelerine, sonyń ishinde rotatsiia boiynsha múshelikten shyqqan azamattarǵa jemisti jumystary úshin alǵys aitamyn», - dedi ol.
