Qazirgi qazaqstandyq qoǵamnyń demokratiialyq saiasi júiesindegi ulttyq qaýipsizdiktiń alar orny erekshe. Búgingi tańdaǵy ulttyq qaýipsizdik tek qarý kúshimen qamtamasyz etilmeidi. Álemdegi ǵalamdaný protsesi men ózara tiimdi ekonomikalyq bailanystardyń damýy ulttyq qaýipsizdiktiń qurylymyn kúrdelendirip otyr: ekonomikalyq, syrtqy, ekologiialyq, aqparattyq, qoǵamdyq qaýipsizdik salalary ózektilik pen basymdylyqqa ie. Bul turǵydan alǵanda da egemendi jas memleketimizde iadrolyq qarýsyz qaýipsizdik kontseptsiiasyn negizdeý, ony damytý qazirgi saiasattaný ǵylymynyń ózekti máselelesine ainalyp otyr.
Syrtqy ulttyq qaýipsizdik - ulttyq múddelerdiń, ulttyq qundylyqtardyń, bailyqtyń jáne ómir saltynyń syrttan keletin qaýip-qaterden qorǵalýy. Ulttyq qaýipsizdik áskeri jolmen de, basqa da ádistermen buzylýy múmkin, mysaly, shekara arqyly zańsyz shikizat, resýrstar, valiýta, kórkem jáne ózge qundylyqtardy engizý, alyp ótý, ónerkásiptik nemese ózge de tyńshylyq, rýhani basa kókteý, iritkilik aqparat taratý jáne t.b. Mine, mundai radikaldy, memlekettiń táýelsizdiginiń qaýipsizdigine zardabyn tigizetin is-árekettermen elimiz únemi kúres ústinde.
Prezidentimiz N.Á.Nazarbaev «Qazaqstan joly – 2050: bir maqsat, bir múdde, bir bolashaq» atty joldaýynda «Turaqtylyq pen ulttyq qaýipsizdik – jańa saiasi baǵytty iske asyrýdyń negizgi sharty. Onyń basymdylyǵyn tekserip jatý artyq. Búgin biz úshin quqyq qorǵaý júiesiniń keshendi reformalarynyń aralyq qorytyndylaryn shyǵarý mańyzdy. Jetistikterge syni turǵydan baǵa berip, problemalardy aiqyndap, quqyq qorǵaý júiesin odan ári jańǵyrtý joldaryn belgileý qajet», - dep, úkimetke ulttyq qaýipsizdikti nyǵaitýǵa tapsyrma bergen bolatyn.
Ulttyq qaýipsizdikti saqtaý elimiz táýelsizdik alǵan sátten bastap qolǵa alynǵandyqtan, oǵan Elbasy N.Á.Nazarbaevtyń sińirgen eńbegi zor ekendigi týraly saiasi-áleýmetik kózqarastardy negizgi ala otyryp, qoǵamdaǵy saiasi tulǵa men kóshbasshy tulǵanyń ustanymdary filosofiialyq negizde saraptaldy, tarihilyq pen logikalyqtyń birligi arqyly saiasi qatynastardyń psihologiialyq negizderi zerdelendi. Syrtqy saiasattaǵy qarym-qatynasqa sholý jasai otyryp, onyń beibitshil-yntymaqtastyqqa negizdelgen saiasi-psihologiialyq ustanymynyń qyrlaryn taldap kórsettik. Keńestik saiasattan postkeńestik dáýirge kúrt ótý jáne ony óz betinshe qurý júiesiniń qurylymy týraly, atqarǵan qyzmetteriniń mańyzy jóninde tyń tujyrymdar jasaldy.
Ekonomikalyq damý, ekologiialyq tepe-teńdik, áleýmettik memleket siiaqty qundylyqtar men qarýsyzdaný saiasaty arasyndaǵy osyndai ózara táýeldilikti Qazaqstan Respýblikasy Prezidenti men Parlamenti de tereń túsinýde. Basqarýshy saiasi elita da iadrolyq qarýsyzdaný saiasatyn qazaqstandyqtardy beibit ómirge bastaityn, elde áleýmettik-ekonomikalyq ómirdiń jańa turpattaǵy modelin júzege asyrýda erekshe mańyzdy da jaýapty mindet dep túsinedi.
Búgingi tańda ulttyq qaýipsizdiktiń tiimdiligi qordalanǵan áskeri kúsh-qýattyń sheńberinde ǵana emes, áleýmettik-ekonomikalyq, ekologiialyq, demografiialyq, aqparattyq, saiasi quqyqtyq jáne adamnyń, qoǵam men memlekettiń ómirlik mańyzy bar múddesi men talap-tilegine qatysty ózge de qarama-qaishylyqtar der kezinde qalai sheshimin taýyp otyratyndyǵyna tikelei bailanysty bolyp otyr.
