Qazaqstannyń Ulttyq qaýipsizdik komitetin qaita qurý josparlanyp otyr. UQK tóraǵasynyń tiisti jarlyq jobasy "Ashyq NQA" portalynda jariialanǵan, dep habarlaidy Sputnik Qazaqstan.
Atap aitqanda, myna qurylymdar qaita qurylady:
Aqparatty tehnikalyq qorǵaý ortalyǵy men Aqparattyq qaýipsizdik salasynda mamandar daiarlaý jáne olardyń biliktiligin arttyrý ortalyǵy Aqparatty tehnikalyq qorǵaý men memlekettik qupiialardy qorǵaý salasynda mamandar daiarlaý ortalyǵymen biriktiriledi;
Mańǵystaý oblysy shekara qyzmeti departamentinen UQK Shekara qyzmetiniń "Aqtaý" jabdyqtaý basqarmasyn bólip shyǵarady;
Almaty oblysy shekara qyzmeti departamentinen UQK Shekara qyzmetiniń "Almaty" jabdyqtaý basqarmasyn bólip shyǵarady;
Shyǵys Qazaqstan oblysy shekara qyzmeti departamentinen UQK Shekara qyzmetiniń "Jańǵyztóbe" jabdyqtaý basqarmasyn bólip shyǵarady;
UQK Aviatsiialyq basqarý mekemesi UQK Aviatsiia qyzmetine qosylady.
Osylaisha Ulttyq qaýipsizdik komiteti quramynda myna qurylymdar qalady: Aviatsiialyq qyzmet, Shekara qyzmeti, Syrtqy barlaý qyzmeti, Úkimettik bailanys qyzmeti jáne "A" arnaýly maqsattaǵy qyzmeti.
