Ulttyq qaýipsizdik komiteti Qazaqstan Respýblikasynyń Memlekettik shekarasynan 2020 jylǵy 11 mamyrdan bastap karantindik shekteýler kezeńindegi ótý tártibin jariialady, dep habarlaidy "Ult aqparat" komitettiń Facebook-tegi paraqshasyna silteme jasap.
Qazaqstan azamattarynyń jáne sheteldikterdiń (azamattyǵy joq adamdardyń) QR Memlekettik shekarasynan ótýine sanitarlyq-epidemiologiialyq jaǵdai jaqsarǵanǵa deiin ýaqytsha shekteý engiziledi.
Mynalar oǵan qosylmaidy:
1) eldiń jáne shet memleketterdiń diplomatiialyq qyzmetiniń personaly;
2) QR Syrtqy ister ministrliginiń shaqyrýymen Qazaqstanǵa jiberilgen resmi delegatsiialardyń músheleri, sonymen qatar halyqaralyq uiymdardyń delegatsiialary músheleri;
3) Qazaqstan Respýblikasynyń múshesi bolyp tabylatyn jáne shet memleketterdiń aýmaǵynda ornalasqan halyqaralyq uiymdardyń qyzmetkerleri bolyp tabylatyn Qazaqstan Respýblikasynyń azamattary - qyzmetkerdiń mártebesin rastaǵan jaǵdaida;
4) poiyz jáne lokomotivtik brigadalarynyń, áýe jáne teńiz kemeleri ekipajdarynyń músheleri jáne temir jol tasymaldaý protsesterine, júkterdi jáne halyqaralyq qatynasta júkterdi tasymaldaýdy júzege asyratyn poezdardy qabyldaý, tapsyrý jáne alyp júrý jónindegi operatsiialarǵa qatysatyn adamdar;
5) qazaqstandyq áýekompaniia qyzmetkeriniń mártebesin rastaǵan jaǵdaida qazaqstandyq áýekompaniialarda isteitin qyzmetker sheteldikter;
6) sanitarlyq-karantindik erejelerdi saqtai otyryp, qazaqstandyq áýekompaniialardyń qyzmetkerleri bolyp tabylatyn sheteldikterdiń otbasy músheleri (týystyq bailanystar faktisi rastalǵan jaǵdaida - jubaiy (zaiyby) jáne olardyń balalary), biraq 30 táýlikte 1 retten artyq emes;
7) qyzmetkerlerdiń kýálandyrylǵan ataýly tizimde bolǵan jaǵdaida qyzmettik mindetterin atqarý úshin Qazaqstan Respýblikasynyń aýmaǵyndaǵy sheteldik transshekaralyq qurylystarǵa qyzmet kórsetetin personal jáne shektes memleketterdiń aýmaǵyndaǵy qazaqstandyq transshekaralyq qurylystarǵa qyzmet kórsetetin personal;
8) Qazaqstan Respýblikasynan jalǵa alynǵan aýmaqtarda ornalasqan áskeri quralymdar, ónerkásip bólimsheleri men kásiporyndarynyń quramyna kiretin Resei Federatsiiasynyń azamattary jáne olardyń otbasy músheleri (jubaiy, zaiyby, olardyń ata-analary jáne balalary) áskeri quralymdarda (bólimshege, ónerkásip kásiporynǵa) tiesiligi jáne týysy ekendigin rastaǵan kezde;
9) «Baiqońyr» kesheni men Baiqońyr qalasynyń aýmaǵyna Resei Federatsiiasynyń azamattary men olardyń otbasy músheleri – «Baiqońyr» kesheninde jumys isteitin, sondai-aq Baiqońyr qalasynda turaqty nemese ýaqytsha tirkelgen memlekettik organdardaǵy jáne ózge de uiymdardaǵy jumystyń/qyzmettiń jaramdylyǵyn rastaityn qujatty/qujattardy mindetti túrde usynǵan kezde;
10) Qazaqstan Respýblikasy men shet memleketterdiń úkimetaralyq feldegerlik bailanys qyzmetkerleri, qyzmetkerdiń mártebesi rastalǵan kezde;
11) buryn shet memleketke ketken Qazaqstan Respýblikasynyń azamattary (azamattyǵy joq adamnyń kýáligimen Qazaqstan Respýblikasy qujattaǵan azamattyǵy joq adamdar) Qazaqstan Respýblikasyna qaityp kelgen kezde;
12) Qazaqstan Respýblikasynan basqa memleketke turaqty turýǵa ketken jáne/nemese immigratsiialyq vizalary bar Qazaqstan Respýblikasynyń azamattary;
13) Qazaqstan Respýblikasynyń shetelge emdelýge ketetin azamattary Densaýlyq saqtaý mekemeleriniń rastaityn qujattaryn kórsetken kezde (eki eresek adamnan aspaityn erip júrgende), mynadai qujattar bolǵan kezde:
- «Densaýlyq saqtaý uiymdarynyń bastapqy meditsinalyq qujattama nysandaryn bekitý týraly» Qazaqstan Respýblikasy Densaýlyq saqtaý ministriniń mindetin atqarýshynyń 2010 jylǵy 23 qarashadaǵy № 907 buiryǵymen bekitilgen 035-1/ý nysanyna sáikes diagnozdy jáne emdeý jedeldigin rastaý úshin aýmaqtyq ambýlatoriialyq-emhanalyq uiymnyń dárigerlik-konsýltatsiialyq komissiiasynyń qorytyndysy»;
- sheteldik meditsinalyq uiymnan emdelýge shaqyrý-hat, notarialdy kýálandyrylǵan aýdarmasy bar;
14) shet memleketterdiń turýǵa yqtiiarhaty bar ne olardyń aýmaǵynda ýaqytsha bolýǵa ruqsaty bar Qazaqstan azamattary – 30 táýlik ishinde 1 retten artyq emes;
15) Qazaqstan Respýblikasynyń áýejailarynan buryn týristik joldamalar boiynsha demalýǵa ushyp shyqqan jáne óziniń azamattyǵy bar eline avtomobil kóligimen odan ári shyǵý maqsatynda demalǵannan keiin Qazaqstan Respýblikasynyń áýejailaryna qaityp kelgen sheteldikter, olardy osy memleketter elshilikteriniń kelisimi boiynsha jáne járdemimen áketken jaǵdaida;
16) qajetti sanitarlyq-epidemiologiialyq is-sharalar júrgizilgennen keiin óz memleketteriniń Elshiligi men konsýldyq mekemeleriniń ótinishi boiynsha azamattyǵy bar eline avtomobil ótkizý pýnktteri arqyly odan ári ushyp shyǵý nemese ketý úshin Qazaqstan Respýblikasyna áýe ótkizý pýnktteri arqyly keletin sheteldikter;
17) rastaityn qujattary bolǵan kezde otbasy músheleri men jaqyn týystaryn (ata-analary (ata-anasy), balalary, bala asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri) jerleýge bara jatqan adamdardy, sondai-aq qaitys bolǵan otbasy músheleri men jaqyn týystarynyń máiitin (máiitin) jerleý ornyna ilesip júretin adamdar;
18) aýyr naýqastanýy týraly emdeý ornynyń rastaityn qujattary bolǵan kezde aýyr naýqastanǵan otbasy músheleri jáne jaqyn týystaryn kútip-baǵý úshin bara jatqan adamdar (ata-analary (ata-anasy), balalary, bala asyrap alýshylar, asyrap alynǵandar, ata-anasy bir jáne ata-anasy bólek aǵa-inileri men apa-sińlileri, atasy, ájesi, nemereleri);
19) Qazaqstan Respýblikasynyń aýmaǵyna elden ketý úshin buryn kelgen sheteldikter (azamattyǵy joq adamnyń kýáligi shet memleket qujattaǵan azamattyǵy joq adamdar);
20) Qazaqstan Respýblikasynyń aýmaǵynda turýǵa yqtiiarhaty (oralman mártebesi) bar sheteldikter (azamattyǵy joq adamdar) jáne olardyń otbasy músheleri (jubaiy, zaiyby, olardyń ata - analary jáne balalary) - 30 táýlik ishinde 1 retten artyq emes;
21) Qazaqstan Respýblikasy azamattarynyń otbasy músheleri bolyp tabylatyn sheteldikter (azamattyǵy joq adamdar) - týystyq bailanystar faktisi rastalǵan jaǵdaida (jubaiy (zaiyby), olardyń ata - analary jáne balalary) - 30 táýlik ishinde 1 retten artyq emes;
22) sheteldikterdiń otbasy músheleri (erli – zaiyptary, ata-analary, balalary, asyrap alýshylary, asyrap alǵan balalary), qorǵanshylary men qamqorshylary bolyp tabylatyn Qazaqstan Respýblikasynyń azamattary –tek otbasy múshesiniń azamattyǵy bar eline shyǵý úshin, 30 táýlik ishinde 1 retten kóp emes;
23) sheteldik oqý ornynyń rastaityn qujattary bolǵan jaǵdaida shet memleketterdiń aýmaǵyndaǵy oqý oryndarynda oqyp júrgen Qazaqstan Respýblikasynyń azamattary;
24) tiisti sanattaǵy júrgizýshi kýáligi bolǵan kezde halyqaralyq júk tasymaldaryn júzege asyratyn júrgizýshiler (bir júk kólik quralyna 2 júrgizýshiden artyq emes);
25) osy tártipke sáikes Qazaqstan Respýblikasynyń Memlekettik shekarasynan ótýge ruqsat etilgen adamdardy tasymaldaýdy jáne evakýatsiialyq reisterdi júzege asyratyn júrgizýshiler;
26) árbir jeke jaǵdai úshin QR Premer-ministriniń orynbasary tóraǵalyǵymen arnaiy qurylǵan Vedomstvoaralyq komissiia bekitetin tizimge sáikes áleýmettik mańyzy bar kompaniialardyń qyzmetkerleri (mamandary) – sheteldikter;
27) árbir jeke jaǵdai úshin Qazaqstan Respýblikasy Premer-ministriniń orynbasary tóraǵalyǵymen arnaiy qurylǵan Vedomstvoaralyq komissiia bekitetin tizimge sáikes jasalǵan kelisim-sharttar sheńberinde avtomobil jáne arnaiy kólik jetkizýdi júzege asyratyn adamdar.
Aqtaý jáne Quryq teńiz porttarynda júk avtokólik quraldarynyń júrgizýshilerin, Qazaqstan Respýblikasyna qaityp kele jatqan Qazaqstan Respýblikasynyń azamattaryn jáne olardyń jeke kóligin qospaǵanda, jolaýshylardy tasymaldaýǵa tyiym salynady. Júkterdi teńiz porttary arqyly aýystyryp tieý qatań túrde sanitarlyq-epidemiologiialyq normalardy saqtai otyryp júzege asyrylýy tiis. Ekipajdyń kemelerden shyǵýyna tyiym salynady.
«QR Memlekettik shekarasyn kesip ótýge jáne Qazaqstan Respýblikasynyń aýmaǵynda bolýǵa memlekettik organdarynyń ruqsattaryn belgilengen tártippen resimdegen jaǵdaida múddeli memlekettik organdarmen birlesip, «Baiqońyr» ǵarysh ailaǵynan ushyrý naýqandary jáne ǵaryshkerler qonatyn jerden jáne ushyrylatyn ǵarysh obektilerin izdestirý jáne evakýatsiialaý jónindegi is-sharalar sheńberinde iske qosylǵan áýe kemelerin jáne jer ústi tehnikasyn shekara arqyly ótkizýdi júzege asyrýǵa ruqsat etiledi», delingen habarlamada.
Atalǵan tártiptiń 1 tarmaǵy 5, 6, 15, 20, 21, 25, 26 tarmaqshalarynda kórsetilgen sheteldikterge (azamattyǵy joq adamdarǵa) Qazaqstan Respýblikasyna kirý úshin Qazaqstan Respýblikasyna kirýge quqyq beretin qujattardan basqa, COVID-19 koronavrýstyq infektsiiasy belgileriniń joqtyǵy týraly PTR-test (polimerazdy tizbekti reaktsiia) ótý anyqtamanyń bolýy talap etiledi.
«Anyqtamanyń bolýyn tekserýdi sanitarlyq-karantindik beketteriniń qyzmetkerleri júzege asyrady.
Qazaqstan Respýblikasynyń Syrtqy ister ministrligine Qazaqstan Respýblikasy Ulttyq qaýipsizdik komitetiniń Shekara qyzmetimen, Qazaqstan Respýblikasy Ishki ister ministrligimen, Qazaqstan Respýblikasy Densaýlyq saqtaý ministrligimen, Qazaqstan Respýblikasy Indýstriia jáne infraqurylymdyq damý ministrligimen kelisim boiynsha (onyń ishinde jumys tártibimen) shet memleketterdiń diplomatiialyq qyzmetteri resmi ótinish jasaǵan kezde Qazaqstan Respýblikasy arqyly óziniń azamattyǵy bar eline tranzittik jol júrýdiń oryndylyǵy men múmkindigin anyqtaýǵa, etýge ruqsat etilsin», delingen habarlamada.
