QR Ulttyq qaýipsizdik komiteti Almaty qalasy men Almaty oblysynda QR IIM-men birlesip júrgizgen arnaiy operatsiia nátijesinde bir-birine qarsy eki uiymdasqan qylmystyq toptyń jolyn kesti, dep habarlaidy atalǵan vedomstvonyń baspasóz qyzmeti.
Qylmystyq top músheleriniń birqatar aýyr jáne asa aýyr qylmystarǵa qatysy bar. Qylmystyq áreketter atys qarýyn qoldana otyryp, asa óktemdikpen jasalǵan.
Eki UQT-nyń belsendi músheleriniń jalpy sany 30 adamǵa jetken. Olardyń arasynda buryn sottalǵan adamdar bar, keibireýleri «urylar» ideologiiasyn ustanyp, transulttyq qylmystyq qoǵamdastyqtardyń jetekshilerimen bailanysta bolǵan.
Figýranttardyń turǵylyqty jerleri boiynsha tintý barysynda 11 birlik ártúrli qarý túrleri, 200-den artyq oq-dári alyndy.
Ustalǵandar ýaqytsha ustaý izoliatorlaryna qamaldy, bultartpaý sharasyn tańdaý týraly másele sheshilýde.
