Foto: UQK
QR Ulttyq qaýipsizdik komiteti búgin, 2024 jylǵy 7 qarashada Almaty oblysynda anyqtalǵan taǵy bir esirtki zerthanasynyń joiylǵanyn málimdedi, dep habarlaidy Ult.kz.
Aǵymdaǵy jyldyń qazan aiynda Ulttyq qaýipsizdik komitetiniń Almaty oblysy boiynsha departamenti prokýratýranyń kelisýimen sintetikalyq esirtki óndiretin jasyryn zerthananyń jolyn kesken.
Esirtki zatyn daiyndaý kezinde Qazaqstan azamaty ustalyp, sot sanktsiiasymen qamaýǵa alyndy. 5 kg jýyq daiyn jáne 350 litr "a-PVP" suiyq psihotroptyq zaty, sondai-aq 800 litr prekýrsorlar men esirtki daiyndaýǵa arnalǵan zerthanalyq jabdyq tárkilendi.
Qylmystyq kodekstiń 297-baby 3-bóligi boiynsha sotqa deiingi tergep-tekserý júrgizilýde. Qylmystyq-protsestik kodekstiń 201-baby 1-bóligine sáikes ózge aqparat jariia etýge jatpaidy.
2024 jylǵy 6 qarashada Ishki ister ministrligi Ulttyq qaýipsizdik komiteti jáne prokýratýramen birlesip, asa iri kólemde kannabis ósiretin jasyryn esirtki zerthanasyn joiǵany belgili boldy. Almaty oblysy Ile aýdany Baiken aýylynda balyq ósirý degen jeleýmen is-sharalar qolǵa alyndy.
