Foto: Freepik
Ulttyq qaýipsizdik komiteti Oralda qalalyq sot tóraǵasy Rýslan Jumaǵulov para alý kezinde ustalǵanyn rastady, dep habarlaidy «Ult aqparat» Kazinform-ǵa silteme jasap.
«Qazaqstan Respýblikasy Qylmystyq kodekstiń 366 (para alý) jáne 367 (para berý) babynda kózdelgen quqyqbuzýshylyq belgileri boiynsha sotqa deiingi tergep-tekserý júrip jatyr», — delingen agenttik joldaǵan resmi saýal jaýabynda.
Sondai-aq, UQK atalǵan iske qatysty ózge de aqparattyń Qylmystyq-protsestik kodekstiń 201 babynyń 1 bóligine sáikes qupiia ekendigin habarlap otyr.
Eske sala ketsek, 5 qarasha kúni Oralda qalalyq sot tóraǵasy Rýslan Jumaǵulov para alý kezinde ustaldy. Bul aqparatty Kazinform agenttigine óz aqparat kózderi rastaǵan edi.
Sot tóraǵasymen birge eki advokat Ádil Ahmýldin men Nurjigit Fazylǵaliev te qolǵa túsken.
1,5 mln teńge kólemindegi para sottalǵan azamatqa qatysty oń sheshim qabyldaý úshin baǵyttalǵan.
BQO prokýratýrasynyń baspasóz qyzmeti aqparatty ókiletti organ — UQK departamenti beretinin jetkizdi.
Rýslan Jumaǵulov 2019 jyldan beri qalalyq sot tóraǵasy bolyp jumys istegen.
